Literaturpräis Shortlëscht vum Servais-Präis 2021

De Servais-Präis wierdegt all Joer e literarescht Wierk, dat zu Lëtzebuerg entstanen ass. D'Jury huet elo déi fënnef Favoritte fir dee mat 6.000 dotéierte Literaturpräis verëffentlecht.

Valerija Berdi / tt

Bicher
Foto: Bigstock

Lauschtert de ganze Bäitrag hei


Zënter 1992 existéiert de Servais-Präis, deen all Joer e literarescht Wierk, dat zu Lëtzebuerg entstanen ass, wierdegt.

De Präis ass entstanen opgrond vun engem Vermiechtnes vun der Jeanne Servais a gëtt zënter 2013 och vun der "Oeuvre nationale de Secours Grande-Duchesse Charlotte" finanziell ënnerstëtzt.

Zënter véier Joer publizéiert de Jury vum Servais-Präis eng Shortlëscht mat fënnef Favoritte fir de 6000 Euro dotéierte Literaturpräis.

"Mat der Short‐Lëscht wëll de Jury op d'Diversitéit an d'Qualitéit vun der Literaturproduktioun zu Lëtzebuerg hiweisen a sou zu der Promotioun vun den Auteuren an hire Wierker bei der Lieserschaft an der medialer Ëffentlechkeet bäidroen", schreift de Jury vum Servais-Präis a sengem Communiqué.

De Jury vum dësjäregemn Servais-Präis sinn: Jeanne Glesener als Presidentin, Simone Beck, Odile Linden, Claude Mangen, Pierre Marson, Alex Reuter, Shari Schenten, Aimée Schultz a Sébastian Thiltges.

Fir de Servais-Präis 2021 sti folgend Bicher op der Shortslëscht:

Ulrike Bail, wie viele faden tief, St. Ingbert, Conte Verlag, 2020.


Guy Helminger, Die Lombardi‐Affäre, Mersch, capybarabooks, 2020.


Robert Schofield, The Treasury of Tales, Luxembourg, Black Fountain Press, 2020.

Jemp Schuster, Bluttsëffer - All Fra dréit hire Päckelchen, Lëtzebuerg, Édition Imprimerie Centrale, 2020


Jean Sorrente, La Guerre du temps, Bridel, Hydre Éditions, 2020


De Laureat oder d'Laureatin vum Prix Servais 2021 gëtt ugangs Mee annoncéiert.

De Laureat vum Prix Servais 2020 war de Francis Kirps mat sengem Wierk Die Mutationen (Hydre Éditions).

Méi zum Thema

Bluttsëffer Buchkritik
Literatur

Familljesaga, Duerfchronik, Kulturgeschicht - dem Jemp Schuster säi flotten éischte Roman ''Bluttsëffer'' (Edition Imprimerie Centrale) beschreift d'Kontinuitéiten an d'Bréch vum Liewen um Land.

Guy Helminger
Guy Helminger -Die Lombardi-Affäre

A sengem neie Roman "Die Lombardi-Affäre" weist de Guy Helminger, wéi en Afloss de berüümte Sak Räis, deen a China ëmfält, déi Lëtzebuerger Konschtzeen beaflosst, an do feelt et net u méi oder nach méi bekannte Protagonisten.

Francis Kirps
Video Livestream

De Francis Kirps kritt de Servais Präis 2020 iwwerresscht. Dat fir säi Wierk "Die Mutationen. 7 Geschichten & 1 Gedicht" (Hydre Editions) an däitscher Sprooch. Suivéiert d'Präisiwwerreeschung am Videostream.

Ulrike Bail - wie viele faden tief
Ulrike Bail - wie viele faden tief

Bei der Ulkrike Bail kritt Bitzen eng ganz nei Bedeitung. "wie viele faden tief" (Conte Verlag) heescht dat rezent Gedichtband vun der dësjäreger Gewënnerin vum Nationale Literaturconcours.

Francis Kirps
"Die Mutationen"

Den Francis Kirps ass de Gewënner vum Servais-Präis 2020. Die Mutationen, eng Sammlung vu siwe Geschichten an engem Gedicht, konnt d'Jury iwwerzeegen. Mir hu mat der Presidentin vum Jury a mam Auteur geschwat.

Programm

Net verpassen

  • Annonce: Recherche d'un chef de la programmation

    Gebai vum radio 100,7

    L'Etablissement de Radiodiffusion Socioculturelle, opérateur de la radio de service public radio 100,7, recherche 1 chef de la programmation (m/f) pour contrat à durée indéterminée et à temps plein.

Dossieren

  • Déi eeleft Editioun vum LuxFilmFest

    Trotz Pandemie gëtt de Luxembourg City Filmfestival organiséiert. Déi 11. Editioun (4.-14. Mäerz) kritt dëst Joer awer eng liicht aner Nues: Filmer ginn deels am Kino deels online gewisen.

  • Drogen a Mënschen

    Zanterdeem et d'Mënschheet gëtt, hunn Droge si begleet. Haut hu vill Drogen e schlechte Ruff. Wisou ass dat esou a wat misst geschéien, fir besser iwwer eventuell Risike beim Konsum opzeklären?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen