Enrico Lunghi: An da solle mir nach spueren?!

Dem Enrico Lunghi, Direkter vum Mudam, seng Reaktioun op déi geplangt “Synergien” am Beräich vun der zäitgenëssescher Konscht – dat heescht enger envisagéierter Fusioun tëscht dem Casino-Forum d’art contemporain an dem Mudam (Musée d’Art Moderne Grand-Duc Jean).

Den Enrico Lunghi ass d’accord mam Jo Kox fir ze soen datt d’Iddi, de Casino an de Mudam mateneen ze fusionéieren fir op déi Manéier Suen ze spueren, kaum Chancen huet ze funktionéieren. Dovun ofgesi géinge “Synergien” tëscht béiden Haiser scho längst bestoen. Firwat sinn och grad de Mudam an de Casino am Viséier? Béid Haiser géife, mat vergläichsweis wéinege Moyenen, schonn alles gi wat se kënne fir hir Missiounen am Kader vun der lëtzebuerger Kulturlandschaft z’erfëllen, an zur Reputatioun, am Ausland, vu Lëtzebuerg als kulturell attraktiv Plaz bäizedroen.

A propos Moyenen: mat villen Efforte war et dem Mudam 2013 gelongen, en équilibréierte Budget ze hunn. Fir 2014 goufen him 400.000 Euro gestrach. Fir d’Haus um goen ze halen, muss de Mudam an déi Ressource puiséiere goen, déi eigentlech duerfir geduecht waren fir d’Kollektioun auszebauen. Eng Situatioun déi net glécklech ass. Ëmmerhinn ass se, duerch d’Gesetzännerung vu leschter Woch, net illegal.

De Bäitrag vum Cléo Thoma iwwer eng ugeduecht Fusioun Casino-Mudam als Spuermesure:

 

De Bäitrag vum Cléo Thoma iwwer déi budgetär Situatioun vum Mudam:

Programm

Net verpassen

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen