KULTUR D'Suzanne Cotter verléisst de MUDAM

D'Direktesch vum MUDAM, Suzanne Cotter, verléisst Lëtzebuerg. No véier Joer un der Spëtzt vum "Musée d'Art Moderne Grand-Duc Jean" geet d'Suzanne Cotter am Dezember zréck an hiert Heemechtsland an Australien.

pre / cz

Suzanne Cotter

Dat deelt de MUDAM den Donneschdeg an engem Communiqué mat. An Australien iwwerhëlt si vu Januar 2022 un d'Direktioun vum "Museum of Contemporary Art Australia" zu Sydney, sou de Communiqué.

D'Suzanne Cotter géif de MUDAM nach bis Enn vun dësem Joer leeden, a si géif och beim Rekrutement fir hir Successioun hëllefen. Fir Ausstellungen, déi fir d'nächst Joer geplangt sinn, géif si och weider déi kuratoresch Leedung iwwerhuelen.


D'Suzanne Cotter zu hirem Abschied:

Lauschteren

Méi zum Thema

Mudam
Ännerungen am Mudam

D'Anna Loporcaro, laangjähreg Curatrice vum Mudam, huet gëscht op der Nuit des Musées hir Demissioun am Mudam kommentéiert. Si hätt Loscht op en neien Challenge, "et ass och eng Fro vun Dauer a vu Middegkeet, eng Fro, wéi d'Aarbecht valoriséiert gëtt".

Mudam
MUDAM

Am Mudam soll zousätzlecht Personal agestallt ginn an een externe Beroder féiert de Moment Eenzel-Gespréicher mat alle bedeelegten Acteuren, dat mam Zil d'Situatioun ze entspanen.

Mudam Exklusiv
Onrou am Mudam

D'Direktioun vum Mudam hëlt d'Aarbechtskonditioune ganz seriö. Dat schreift de Musée an engem Communiqué no enger Reunioun tëscht dem Personal an der Direktioun. Et géif ee gemeinsame Wëlle gi fir d'Problemer ze léisen.

Mudam_Luxembourg_©Remi_Villaggi_Mudam_Luxembourg.jpg
Politesch Reaktiounen op Onrou am MUDAM

Nom anonymme Bréif mat Kritiken un der MUDAM-Direktioun fuerdert d'CSV, datt déi nei Kulturministerin sech ëm de Musée soll këmmeren. D'Sam Tanson weist sech besuergt an déi Lénk kritiséieren d'kommerziell Ausriichtung vum Musée.

Wim Delvoye
Zäitgenëssesch Konscht

Dem Wim Delvoye säi Wierk "Chapelle" kéint am Musée fir aktuell Konscht zu Gent ausgestallt ginn. De Kënschtler beklot sech, datt et schwiereg wier mat de Responsabele vum MUDAM ze kommunizéieren.

Mudam Exklusiv
Musée fir zäitgenëssesch Konscht

D'Australierin Suzanne Cotter gëtt nei Direktesch vum Mudam. Dat huet eng gutt informéiert Source eis confirméiert. Si iwwerhëlt d'Successioun vum Enrico Lunghi, deen Enn 2016 demissionéiert hat.

Laurent-Loschetter.jpg
Musée fir zäitgenëssesch Konscht

Et kéint bis Enn 2017 daueren, bis een neien Direkter fonnt gëtt. Et géif een analyséieren, wat de MUDAM brauch, seet de Laurent Loschetter. De Fonctionnement vum Musée wier de Moment garantéiert.

Enrico Lunghi
Affär Lunghi-RTL

Den Enrico Lunghi fänkt den 18. Januar op senger neier Platz beim SCRIPT un. Am Service vum Educatiounsministère ass de fréiere MUDAM-Direkter zoustänneg fir "Educatioun à et par la culture".

Enrico Lunghi Exklusiv
Affär Lunghi-RTL

De Kulturminister Xavier Bettel huet eng Sanktioun géint den Enrico Lunghi decidéiert. Wéinst sengem Verhalen am RTL-Interview vum 13. September gëtt et een Avertissement fir de fréiere Mudam-Direkter.

Enrico Lunghi am Mudam Exklusiv
Affär Lunghi/RTL

De fréiere MUDAM-Direkter huet - eisen Informatiounen no - den 23. Dezember eng Plainte géint Onbekannt deposéiert. Hannergrond ass den ëmstriddenen RTL-Interview.

Mudam - Walking Through
Zäitgenëssesch Konscht

620 Wierker sinn haut an der Sammlung vum Mudam - a si wiisst weider, trotz Budgetskierzungen. Mee wourop kënnt et bei esou enger Kollektioun un a firwat ass si gutt? Eng Bestandsopnam.

Josée Hansen
Musée d’Art Moderne Grand-Duc Jean

D'Josée Hansen huet aus dem MUDAM-Verwaltungsrot demissionéiert: Et wier deontologesch ze schwéier, als Haapt-Kulturjournalistin vun der Zeitung "Lëtzebuerger Land" Member vum Conseil ze sinn.

 

Net verpassen

  • Mam 100,7-Mikro ënnerwee

    Max Feyder

    Eise jonke Freelancer Max Feyder aka Skibi ass an den nächste Woche mam 100,7-Mikro ënnerwee, fir an der Strooss Stëmmungsbiller anzefänken an d'Leit no hirer Meenung zu bestëmmten Theemen ze froen.

Programm

Dossieren

  • Olympesch Spiller 2021

    D'Olympesch Spiller fannen, mat enger Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen