Cineast Cherchez la mère

Eng Famill: d'Meedchen, de Jong, de Papp - ouni d'Mamm ... Mat "3/4" huet de Bulgar Ilian Metev een op den éischte Bléck onspektakulären, a Wierklechkeet komplexen a subtille Film komponéiert. Aus der offizieller Competitioun vum CinEast Festival.

Michel Delage

three_quarters_02.jpg
Mila Mihova

De Papp (Todor Veltchev) ass Physikprofesser. Säi jonkt Meedchen (Mila Mihova) spillt Piano a bereet sech op ee Concert am Ausland vir. De klenge Brudder (Nikolay Mashalov) geet nach an d'Primärschoul. Et ass dee leschte Summer, deen déi dräi zesumme verbréngen.

Dem bulgaresche Realisateur Ilian Metev säi Film "3/4" ass ronderëm de véierte Personnage vun der Mamm opgebaut, souzesoen ronderëm hir negativ Präsenz: dräi vu véier Membere vun der Famill sinn do, wou dee Véierten drun ass, wat mat him geschitt ass, gëtt net verroden. An awer ass d'Mamm indirekt präsent, si duerchdréngt de ganze Film.

Montage am Dräivéierelstakt

Virop iwwert d'Mise en scène an de Montage, déi d'Struktur vum Film definéiert. Noenee komme Sequenze mam Jong, mam Meedchen a mam Papp. De Jong um Heemwee mam Schoulkolleg, d'Meedche während der Pianolektioun mat der Professesch, de Papp mat engem Student. All eenzel Sequenz ass d'selwecht montéiert: d'Kameraperspektiv wiesselt vun deem enge Personnage zum aneren, hin an hier.

Déi ganz Suite vu Sequenze gëtt symmetresch widderholl, mat liichte Variatiounen, et entsteet ee Rhythmus, dee weidergefouert gëtt, wann och mat anere Konstellatiounen (Papp-Jong, Papp-Meedchen, Jong-Meedchen), een Dräivéierelstakt wéi bei enger Walz (de Realisateur ass ee geléierte Museker). Dräivéierel: wéi och d'Struktur vun der Famill ouni d'Mamm.

Symbolesch Präsenz vun der Mamm

Eng Mamm, déi als konkret Persoun ganz wéineg ernimmt gëtt an net virkënnt, héchstens symbolesch. Dem Meedche seng Pianosprofessesch ass eng Ersatzmamm, besonnesch an der Zeen virum private Concert: d'Meedche sëtzt opgereegt um Stull, d'Fra steet nieft him an heemelt et fir ëm Courage ze maachen. An enger anerer Zeen zeckt de Jong seng Schwëster, geheit eng Decken iwwert et. D'Meedchen mécht mat der Hand säi Gesiicht fräi a kuckt de Brudder eescht un: de Jong erféiert an zitt sech zeréck, wéi wann hien eng Mammefigur erkannt hätt...

An engem Gespréich mat sengem Physikprofesser schwätzt de Student iwwert eng Mamm: d'Kamera konzentréiert sech op de Mann (de Papp), deen nodenklech gëtt. A wann deeselwechte säi Meedche viru sech goen huet, leeft en do net och - symbolesch - senger Fra no?

De Spectateur kritt dann d'Ofwiesenheet vun der Mamm iwwert d'Belaaschtung, déi d'Familljesituatioun fir déi dräi aner Familljememberen duerstellt, mat. Dës Tensioun baut sech no an no op: während d'Personnagen am Ufank vum Film iwwer alles an näischt schwätzen, nach laache kënnen (ausser d'Meedchen), ginn d'Dialogen ëmmer méi eescht. D'Geschwëster diskutéieren op eemol iwwert d'Mamm (eenzeg Kéier, wou si am Film ausdrécklech ernimmt gëtt), an der Géigewaartsform: "hues du d'Mamm schonn eng Kéier traureg gesinn?" Also eng Scheedung?

Eleng a sengem Zëmmer fänkt d'Meedchen u mat kräischen. Dem Jong, dee soss permanent gegeckt huet, vergeet d'Laachen. De Papp an d'Meedchen, déi owes dobaussen nom Jong sichen, tappen am Däischteren ...

De Realisateur Ilian Metev verzicht ganz op dramatesch Zeenen a senger Duerstellung vum alldeegleche Liewen. Wat op den éischte Bléck als onspektakulär eriwwer kënnt ass a Wierklechkeet komplex, am Detail duerchduecht a ganz subtil. "3/4" ass een intellektuellen an dach zougängleche Film. Sécherlech ee vun deene beschte Wierker an der offizieller Competitioun vum CinEast-Festival.

Méi zum Thema

DREN ZHERKA.jpg
Cineast

De kosovaresche Film "Eho" erzielt eng Geschicht iwwer perséinlech Relatiounen an deenen de Materialismus keng Roll méi soll spillen, erkläert de Realisateur Dren Zherka am 100,7-Interview.

birds_are_singing_in_kigali_18.jpg
Cineast

Wéi gi Mënschen, déi de Genozid am Ruanda iwwerlieft hunn, mat hiren traumateschen Erliefnisser ëm? "Birds are singing in Kigali" ass keen einfachen, mä kënschtleresch a pedagogesch wäertvolle Film.

Peter Bebjak.JPG
Cineast

Mat "The Line" huet de Peter Bebjak een impressionnante Thriller gedréint iwwert de Schmuggel op der slowakesch-ukrainescher Grenz. Interview mam slowakesche Realisateur am Kader vum CinEast-Festival.

alexandra.jpg
Cineast

"Prowl" ass kee feministesche Film, esou d'Alexandra Balteanu. Am 100,7-Interview schwätzt déi rumänesch Realisatrice iwwer de Respekt vun de Prostituéierten an iwwert d'Konscht an hirem éischte Film.

Priit Paasuke
Cineast

Den estnesche Realisateur Priit Pääsuke schwätzt am 100,7 Interview iwwert den nordeschen Humor, d'Acceptéiere vun eiser Ëmwelt an iwwert d'Wichtegkeet vun de Co-Produktiounen an Europa.

soldiers_story_from_ferentari_01.jpg
Cineast

Iwwert een humorvollen Ëmgang mat der Homosexualitéit gëtt "Soldiers. A Story from Ferentari" een originellen Abléck an d'Liewensëmstänn vun aarme Romaen. Offiziell Competitioun vum CinEast-Festival.

november_03.jpg
Cineast

"November", vum estnesche Realisateur Rainer Sarnet, ass ee barocken, a wonnerschéinem Schwaarz-Wäiss gedréinte Libesfilm, deen eng mystesch Atmosphär schaaft mat ville skurrille Personnagen.

Rainer Sarnet.jpg
Cineast

Eng spirituell a mystesch Welt mécht d'Grenze vum Kino méi grouss op, esou de Rainer Sarnet iwwert säin neie Film "November" am 100,7 Interview. Trotzdeem wier säin Zil e realistesche Film.

miracle_07.jpg
Cineast

"Miracle" (Stebuklas) vun der litauescher Realisatrice Egle Vertelyte setzt sech - op eng humoristesch Aart a Weis - mat de soziale Konsequenze vum Zesummebroch vun der Sowjetunioun auserneen.

directions_03.jpg
CinEast

"Directions" hëlt d'Spectateure mat op eng Taxirees duerch déi bulgaresch Haaptstad Sofia an hir sozial Problemer. Originell opgebaut, ganz gutt gespillt an technesch brillant ëmgesat.

FullSizeRender.jpg
Cineast

De Stephan Komandarev bezeechent sech als Optimist. Dowéinst wier de Realisateur vun "Directions" a Bulgarien bliwwen. Mat senge Filmer wëllt hien der Societéit säi Stéck Optimismus schenken.

jupiters_moon_02.jpg
CinEast

Den ambitiéisen ungaresche Film "Jupiter's Moon" vum Film- an Theaterregisseur Kornel Mundruczo suivéiert e Flüchtling mat aussergewéinleche Kräften. De Film gouf um CinEast-Festival 2017 gewisen.

daybreak_03.png
CinEast

"Daybreak" beschreift den Alldagskampf vun enger elengerzéiender Mamm an Albanien. Den albanesche Realisateur Gentian Koçi erreecht mat engem minimalistesche Stil eng grouss Wierkung.

filthy_01.jpg
CinEast

"Filthy", vun der jonker slowakescher Realisatrice Tereza Nvotová, ass een däischtere Film iwwer Vergewaltegung. Duerch an duerch pessimistesch, mä filmesch gutt ëmgesat, fënnt de Michel Delage.

Tereza Nvotová
Cineast

De slowakesche Film "Filthy" soll d'Diskussioun iwwert d'Vergewaltegung am Land opmaachen, seet déi jonk d'Realisatrice Tereza Nvotová am 100,7-Interview. Et wier dat lescht Tabuthema.

Aurora Borealis.JPG
CINEAST

Den Drama "Aurora Borealis: Northern Lights" vun der Ungarin Márta Mészáros ass ee Spuerespill iwwert d'Opschaffe vu schwéiere Familljegeheimnisser. Kohärent a gelongen, fënnt de Michel Delage.

Programm

Net verpassen

Dossieren

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen