Abbaye de Neumünster: Ainhoa Achutegui nei Direktesch?
Déi aktuell kënschtleresch Directrice vum CAPE zu Ettelbréck, d’Ainhoa Achutegui, dierft Nofolgerin vum Claude Frisoni un der Spëtzt vum Kulturzenter Abbaye de Neumünster ginn.
D’Ainhoa Achutegui huet eis de Moien op Nofro confirméiert, datt si déi eenzeg Kandidatin ass, déi de Verwaltungsrot vun der Abtei Neimënster der Kulturministerin proposéiert huet. Nach géif et awer kéng offiziell politesch Bestätegung ginn. Si hätt och nach net als Directrice vum “Centre des Arts Pluriels Ed. Juncker” zu Ettelbréck demissionéiert.
De President vum Verwaltungsrot Guy Dockendorf huet eis gesot, datt déi 9 Membere vum Conseil, de 7. November eestëmmeg decidéiert hunn, der Ministerin d’Ainhoa Achutegui ze proposéieren, als nei Directrice vum Etablissement public Abtei Neumünster.
en Donneschdeg hate mir gemellt, datt d'Octavie Modert d’Propositioun vum Verwaltungsrot net wëllt approuvéieren: et wier un hirem Nofolger dat ze maachen.
