Chamberwahlen 2018

Wieler, déi bei de Chamberwahlen zejoert d'ADR oder Pirate gewielt hunn, gesinn den Zoustand vun der Lëtzebuerger Gesellschaft méi kritesch. Dat geet aus der Studialux Etüd vun der Uni Lëtzebuerg ervir.

D'Piratepartei wier vu ville Leit an der Ëffentlechkeet als eng Lénkspartei wouer geholl ginn, si wier awer eng liberal Partei, sou de Marc Baum. Dee Constat géif méiglecherweis d'Resultat vun déi Lénk bei de Chamberwahlen erklären.

Déi éischt Gespréicher iwwer déi gemeinsam Zieler vun der neier Regierung ware méi kuerz wéi geplangt. Et hätt ee "relativ séier" een "zimlech breede Konsens" fonnt, seet de Chef vun der grénger Verhandlungsdelegatioun Félix Braz.

D'Immobiliëpräiser zu Lëtzebuerg sinn zanter 2010 all Joer tëscht 4,5 a 5 Prozent geklommen. A si klamme virun, seet de Julien Licheron. D'Lëtzebuerger Specificitéit wier, datt zanter Joerzéngten d'Offer der Demande net nokënnt.

De Lëtzebuerger Wahlsystem huet bal honnert Joer um Bockel. Trotz reegelméisseger Kritik - ënnert anerem um Desequiliber tëscht Stëmmen a Sëtz - schéngt eng grondsätzlech Reform onwahrscheinlech.

Wann d'CSV an der Wahlcampagne d'Propos vun der ADR ugeholl hätt, fir als gemeinsame Camp op ze trieden, dann hätt de Wieler eng Alternativ gehat. Dat seet den ADR-Norddeputéierten, Jeff Engelen.

De Robert Mehlen (ADR) fuerdert d'Chamber op, d'Wahlresultater net ze validéieren, well de Wahlsystem verfassungswiddereg wier. Déi Intentioun hätt keng Aussiicht op Erfolleg, mengt de Luc Heuschling.

Nëmme 47 Prozent vun der erwuessener Populatioun zu Lëtzebuerg konnt bei de Chamberwahle wielen. Dat relancéiert d'Froen iwwert déi politesch Participatioun vun den Auslänner zu Lëtzebuerg.

Hie wier ee "grousse Frënd vun der Dräier-Koalitioun", seet de François Benoy vun déi gréng. De Paul Galles vun der CSV bedauert, datt no de Wahlen eng schwaarz-gréng Koalitioun net méiglech war.

Wéi sinn déi ënnerschiddlech Deklaratioune vun der CSV z'interpretéieren zanter hirer Wahlnéierlag de leschte Sonndeg? A wéi probabel ass e Succès vun de Koalitiounsverhandlungen tëscht DP, déi gréng an LSAP?

Tëscht DP an LSAP situéiert de Marc Goergen seng Partei am politesche Spektrum. Mat engem Akzent op Ëmweltthemen. D'Pirate wéilten - anescht wéi déi gréng - Ureizer ginn an net Verbueter schafen.

Den LSAP-Parteipresident an den LSAP-Generalsekretär missten aus dem Wahlechec vun de Sozialiste Konsequenzen zéien. Dat fuerdert de Sammy Wagner, den LSAP-Schäffe vu Stengefort.

D'LSAP an d'CSV hätte bei dëse Wahle Stëmme verluer wéinst engem strukturelle Problem vum Elektorat. Dat seet de Politolog Philippe Poirier. Déi politesch sozialistesch a chrëschtlech-sozial Kulturen wiere mëttlerweil méi kleng ginn.

Dëst Joer goufen zwielef Fraen direkt an d'Chamber gewielt - nach manner wéi 2013. Deemools waren et der 14. Dat trotz der neier Quoteregelung, duerch déi op d'mannst 40 Prozent vun de Kandidate Frae musse sinn.

Wou d'Rees hi geet, dat wëllt de Claude Wiseler dem CSV-Nationalrot den Dënschdeg den Owend soen. Dee Moment géif hien och d'Ëffentlechkeet "net nëmme prinzipiell, mee och ganz am Detail", informéieren.

Et gouf Stëmmeverloschter fir d'CSV, d'LSAP an d'DP, zu Gonschte vun déi gréng, de Piraten an och der ADR. Dat ass de Resumé vun de Chamberwahlen. De radio 100,7-Chefredakter Jean-Claude Franck analyséiert.

D'Dräier-Koalitioun kann arithmetesch weidergefouert ginn. D'Spëtzepolitiker vu Blo-Rout-Gréng hu sech dofir ausgeschwat, d'Parteigremie mussen nach zoustëmmen. Wéi geet et virun no de Wahlen?

Just zwou Koalitiounsméiglechkeeten hunn no de Wahlen eng Majoritéit an der Chamber. Um Wahlowend deiten d'Politiker vun der Dräier-Koalitioun un, datt si wëlle weidermaachen. Mee wéi sécher ass et?

De Wahlbezierk Süden war dee leschten, dee fäerdeg ausgezielt gouf. Et war bis zum Schluss spannend. Mat Momenter huet et dono ausgesinn, wéi wann d'LSAP ee weidere Sëtz géif verléieren, zu Gonschte vun déi gréng.

Wie sinn déi 60 Deputéiert fir d'Legislaturperiod 2018-2023? Eng Iwwersiicht.

D'CSV an d'LSAP verléieren däitlech u Stëmmen. déi gréng an d'Pirate gewannen. Eng Weiderféierung vun der Dräierkoalitioun ass probabel, méiglech wier och nach CSV an DP.

déi gréng stellen den Usproch weider an der Regierung ze bleiwen. Eng méiglech CSV-DP-Koalitioun beschreiwt de François Bausch als eng Koalitioun vun "zwee Wahlverléierer".

déi gréng stellen den Usproch weider an der Regierung ze bleiwen. Eng méiglech CSV-DP-Koalitioun beschreift de François Bausch als eng Koalitioun vun "zwee Wahlverléierer".

Bleift de ganze Wahlsonndeg um Courant, iwwer déi neisten Entwécklungen, Resultater, Kommentaren an Analysen iwwer d'Chamberwahlen.

Den Norden ass den zweete Bezierk, deen elo komplett ausgezielt ass. Am flächeméisseg gréisste Bezierk bleift d'CSV stäerkste Partei.

D'CSV verléiert siwe Prozentpunkten, mee behält hir dräi Sëtz. D'Pirate leeë prozentual staark zou, mee kréie kee Sëtz.

U wéi eng Parteien déi 60 Sëtz an der Chamber ginn, wäert am Laf vum Owend kloer sinn. Een Enjeu bei dëse Chamberwahlen: D'Stëmmverhale vun den 257.000 Wieler an Zäite vu Social Media.

An eiser Serie "Wann ech Premier wier" erziele Biergerinnen a Bierger onkommentéiert, wat si géife maachen, wa si eppes am Land kéinte veränneren. An dësem Artikel fannt Dir all Episod op ee Bléck.

An eiser Serie "Een Dag am Wahlkampf" begleede mir d'Spëtzekandidate fir d'Chamberwahlen een Dag an hirem perséinleche Wahlkampf. An dësem Artikel fannt Dir all Episod op ee Bléck.

De Wahlkampf ass dëse Freideg offiziell eriwwer, de Sonndeg wielt Lëtzebuerg en neit Parlament. Mir halen zeréck: Et war eng schwaach Campagne mat wéinegen Inhalter a wéinege Confrontatiounen.

Den Ausgang vun de Wahle wier sou oppe wéi nach ni, do si sech d'RTL-Journalistin Maryse Lanners an de Christoph Bumb vu reporter.lu eens. Et wier awer ganz schwiereg, dës Wahle virauszegesinn.

D'Lëtzebuerger Sprooch als Integratiounsfacteur an d'Méisproochegkeet sinn an de Mëttelpunkt vum Wahlkampf geroden. Wéi stinn d'Parteien dozou, wat steet an hire Wahlprogrammer, a wat seet e Linguist?

Wou sinn déi rout Linne bei der DP an der CSV an der Familljepolitik? Wou si potentiell d'Kompromëssméiglechkeete fir eng blo-schwaarz Regierung? E Face-à-face tëschent Corinne Cahen (DP) a Marc Spautz (CSV).

Der 94 Joer al Fra ass et wichteg, datt d'Landschaften an d'Bëscher erhale bleiwen an déi verschidde Generatiounen eppes vunenee léieren. Wat géift Dir änneren, wann Dir Premierminister wäert?

Impulser ginn, Weeër opweisen a Situatiounen entschäerfen. Dat ass eegenen Aussoen no de Rôle vun der Ëmweltministesch. D'Maxi Pesch huet d'Carole Dieschbourg een Dag laang begleet. Tëschent Biergerinitiativen, Klimaschutz a Wahlkampf.

TNS ILRES huet eng Klo bei der ALIA agereecht, wéinst der Publikatioun vun engem falsche Sondage iwwer d'Chamberwahlen op engem auslänneschen Internet-Site mam Numm Luxembourg Polls.

A sengem Fräie Mikro setzt sech den Denis Scuto mat der hypokritescher Wuesstumsdebatt an dësem Walkampf auserneen a fuerdert d'Politik op, der Realitéit an d'Aen ze kucken an d'Zukunft wierklech hëllefe virzebereeden.

Déi jonk Fra aus Syrien géif méi laang Stage fir Lycéesschüler a Studenten aféieren, fir hinnen eng konkret Virstellung vun de jeeweilege Beruffer ze ginn. Wat géift Dir änneren, wann Dir Premier wäert?

Trotz der Wuesstumsskepsis vu ville Parteie wëllt keng vun hinnen op de Wuesstum verzichten. D'Polemik schéngt ee Symptom dofir ze sinn, datt an anere Beräicher Iddie feelen. Ee Kommentar vum Pia Oppel.

Den Erliefnespedagog gesäit et als Necessitéit un, de Liewensstil ze änneren a géif dat als Premier och esou virliewen. Wat géift Dir änneren, wann dir Premierminister wiert?

Den Erliefnespedagog gesäit et als Necessitéit un, de Liewensstil ze änneren a géif dat als Premier och esou virliewen. Wat géift Dir änneren, wann dir Premierminister wiert?

De Claude Haagen an de François Bausch kritiséieren, datt de Claude Wiseler an de Xavier Bettel eng Konfrontatioun vermeiden. Et wier och der Press hir Schold, datt dësen Debat nach net stattfonnt huet.

Eenzel Leit schénge Problemer gehat ze hunn, d'Bréifwahl iwwer myguichet.lu unzefroen. Dacks wier d'Prozedur zwar lancéiert ginn, mee se wier net iwwerdroe ginn, erkläert de Gilles Feith vum CTIE.

Véier Joer nom LuxLeaks-Skandal soen déi Responsabel, datt Lëtzebuerg haut en anere Steiermodell géif vertrieden. Wéi soll d'Land sech an Zukunft presentéieren, a wat proposéieren d'Parteien?

D'Kierzung vun de Studentebourssen, de Referendums-Vott géint d'Wahlrecht mat 16 Joer, de Gesetzesprojet iwwer Stagen: Fir d'Studentenorganisatioun UNEL war dës Legislatur vun enger "jugendfeindlecher Politik" gepräägt.

Den Optiker géif d'Handwierk valoriséieren an de Mindestniveau fir an de Beruff eranzeklammen an d'Luucht setzen. Wat géift Dir änneren? Wat géift Dir änneren, wann dir Premier wiert?

Den CSV-Fraktiounschef, fréiere Minister a fréiere Schäffe Claude Wiseler wëll de Xavier Bettel als Premier ofléisen. De Serge Kesseler huet den CSV-Spëtzekandidat een Dag am Wahlkampf begleet.

Wat fir eng Besteierung fir Stéit, Betriber a Patrimoine? Et diskutéieren: Jerry Weyer, Sam Tanson, Alex Bodry, Gilles Roth, Ali Ruckert, Pierre Gramegna, Alex Penning, Carole Thoma, Mario May.

An de Kichegespréicher stelle sech jonk Kandidatinnen a Kandidaten an engem relaxe Kader de Froe vu jonke Wielerinnen a Wieler. An der drëtter a leschter Episod geet et ëm Mobilitéit a Gesondheet.

Wéi ass déi virlescht Wahlkampfwoch verlaf? Wat fir eng Dynamik kann een esou kuerz virun de Chamberwahlen observéieren. D'Pia Oppel aus der Noriichteredaktioun mat enger Analys.

Den Enseignant, dee vu senger Gebuert u blann ass, géif de Schutz vu Minoritéiten zur Chefsaach erklären an hiren Accès op den Aarbechts- a Wunnmarché vereinfachen. Wat géift Dir als Premier änneren?

Den Enseignant, dee vu senger Gebuert u blann ass, géif de Schutz vu Minoritéiten zur Chefsaach erklären an hiren Accès op den Aarbechts- a Wunnmarché vereinfachen. Wat géift Dir als Premier änneren?

Etienne Schneider: 47 Joer al, Vize-Premier, Spëtzekandidat vun der LSAP mat der Ambitioun Premier ze ginn. Trotz ongënschtege Sondagë fir seng Partei, gëtt hie sech zouversiichtlech a kämpferesch.

De Jean Colombera (PiD) an de Robert Mehlen (ADR) si sech eens: De Lëtzebuerger Wahlsystem wier ongerecht, well e méi kleng Parteie géif benodeelegen. D'Stëmmen aus de verschiddene Bezierker wieren ënnerschiddlech vill Wäert.

De Gerant vun enger Bauentreprise géif d'Handwierk valoriséieren, d'Infrastrukture verbesseren an d'Prozedur vereinfachen, fir d'Nationalitéit ze kréien. Wat géift Dir änneren, wann Dir Premier wiert?

D'Botzfra wier fir den Tiers payant a wier dofir, datt d'Schülerinnen a Schüler sech méi spéit fir déi verschidde Schoulforme missten decidéieren. Wat géift Dir änneren, wann Dir Premier wiert?

De 14. Oktober si Chamberwahlen 257.000 Persoune kënnen de 14. Oktober 60 Deputéiert designéieren. Déi 547 Kandidate sinn awer net an alle Beräicher representativ fir déi ganz Populatioun.

D'Initiativ, déi Informatiounen iwwer eidel Wunnengen an Haiser zu Lëtzebuerg sammelt, gouf kuerz virun de Chamberwahle relancéiert. De Leerstandsmelder war scho viru véier Joer lancéiert ginn. Mee e war politesch onerwënscht.

Mat 29 Joer huet de Sven Clement eng Partei an dräi Entreprisë gegrënnt. Hie geet selbstbewosst a gutt gelaunt an d'Wahlen. D'Fanny Kinsch war een Dag mam Spëtzekandidat, President a Matgrënner vun der Piratepartei ënnerwee.

Dem Xavier Bettel seng Wahlcampagne leeft op Héichtouren. Nieft Interviewen a Pressekonferenzen geet hien och senger 'normaler' Aarbecht als Regierungschef no. De Pierre Reyland huet hien op esou engem Dag begleet.

An eiser Serie "Wann ech Premier wier" erziele Biergerinnen a Bierger onkommentéiert, wat si géife maachen, wa si eppes am Land kéinte veränneren. De Felix wier fir e bedéngungsloost Grondakommes an de Ben wéilt de Schoulsystem änneren.

Déi zeréckhalend Oppositiounsstrategie vun der CSV kéint d'Partei ee bis zwee Sëtz kaschten, seet de Philippe Poirier. Sondagen am Juni hätten e liichte Réckgang an de Wahlintentioune géigeniwwer der CSV gewisen.

An de Kichegespréicher stelle sech jonk Kandidatinnen a Kandidaten an engem relaxe Kader de Froe vu jonke Wielerinnen a Wieler. An der zweeter Episod geet et ëm Digitaliséierung a sozial Kohäsioun.

D'Parteie wëllen alleguer d'Pressefräiheet garantéiert. Wou ënnerscheede sech déi ënnerschiddlech Parteien? Wéi eng mediepolitesch Prioritéiten hu si an hire Programmer fir d'Chamberwahle stoen?

De Claude Turmes (déi gréng) plädéiert dofir, de Landwirtschafts- an den Ëmweltministère zesummenzeleeën. D'Martine Hansen (CSV) fënnt dat keng gutt Iddi. D'Landwirtschaft bräicht en eegene Ministère.

Den Immobilienagent géif probéieren, d'Wunnengssituatioun ze verbesseren a Chômeuren eng Aarbecht ze ginn. Wat géift Dir änneren, wann Dir Premierminister wiert?

Wéi soll Cannabis an Zukunft reglementéiert ginn? An der Chamber war eng entspriechend Kommissiounssëtzung, déi sech domat befaasst huet. Wat sinn d'Positioune vun de verschiddene Parteien?

Kuerz virun de Chamberwahle wëllen d'Medie keng Sonndesfro méi an Optrag ginn. Net d'Sondagen, mee de Lëtzebuerger Wahlsystem sinn de Problem, mengt den 100,7-Chefredakter Jean-Claude Franck.

Déi fräiwëlleg Trainerin an der Liichtathletik Cathérine Barberis géif de Kanner den Accès zum Sport vereinfachen. Wat wier Är éischt Mesure, wann Dir Premierminister wiert?

D'LSAP wëllt de Mindestloun strukturell ëm 100 Euro netto erhéijen, seet den Nicolas Schmit. D'KPL trëtt fir eng Erhéijung vum Mindestloun vun 20 Prozent an, esou den Ali Ruckert. Dat entsprécht 400 Euro.

D'Europäesch Unioun stécht an enger politescher Kris. Am Wahlkampf zu Lëtzebuerg spillt europäesch Politik bis elo keng grouss Roll. Wéi positionéiere sech d'Parteie virun de Wahlen zu der EU?

Si Wahlen demokratiefeindlech? Wann net, firwat ginn dann ëmmer manner Leit wielen? A wa jo, firwat? A wat wier d'Alternativ? De Philosoph Thomas Koenig huet sech eng vun deenen Alternativen ugekuckt.

D'Campagne virun de Wahlen empfënnt den Denis Scuto als éischter langweileg. Méi Spannung versprécht momentan de Sport. Mee de Sport schéngt a kengem vun de Wahlprogrammer en zentraalt Thema ze sinn.

D'Kulturpolitik vun dëser Regierung wier en eenzege Fiasko, seet de Guy Rewenig. D'Nathalie Ronvaux mengt, datt d'Politik sech aus inhaltleche Saache soll eraushalen. Kultur géif vu Politiker benotzt ginn.

De Bauer an Enseignant hätt als Premier de Landwirtschaftsministère ënner sech a géif eng nohaltesch Landwirtschaft an d'Permakultur.

Wat wier Är éischt Mesure, wann Dir Premierminister wiert?

Et besteet vill Interessi fir d'Lëtzebuerger Sprooch ze léieren. Eleng am Institut national des langues hu sech zejoert 7.600 Persoune fir e Cours ugemellt. Et besteet iwwerdeems eng laang Waardelëscht.

Wéi wëllen déi verschidde Parteien d'Wirtschaft weiderentwéckelen an de Standuert Lëtzebuerg diversifizéieren? Wéi eng Secteure sollen an Zukunft hei am Land méi eng grouss Roll spillen?

D'Regierung géif net an d'Wahle goen, fir hiert Mandat verlängert ze kréien, mengt de Romain Hilgert. Wann d'CSV erëm stäerkst Partei géif ginn, wier et ganz schwéier, se nach eng Kéier ze ignoréieren.

D'Duerfmusekerin a Mamm Danielle Hartert-Theis géif de Beruff "Elteren" unerkenne loossen an den ëffentlechen Transport gratis maachen. Wat wier Är éischt Mesure, wann Dir Premierminister wiert?

Nom Fiasko mat de Kandidatelëschte mécht déi nei Biergerinitiativ Demokratie elo awer bei de Wahle mat. Mir hunn d'Sonja Holper, Spëtzekandidatin vun Demokratie am Zentrum, een Dag laang begleet. E Portrait vum Pierre Reyland.

Leit, déi ee Joer laang net bei den Dokter ginn, sollen een Deel vun hire Cotisatiounen zeréckkréien. Déi Iddi vum Jean Colombera steet net am Wahlprogramm vun de Piraten, confirméiert de Jerry Weyer. D'Tréis Gorza hält "absolut" näischt vun där Iddi, et misst ee weider op Solidaritéit setzen.

De Privatwënzer Armand Schmit wier zum Beispill fir eng Simplificatioun an den administrative Beräicher. Wat wier Är éischt Mesure, déi Dir géift duerchbréngen, wann Dir Premierminister wiert?

Et wier keng Léisung, fir de Lëtzebuerger Filmsecteur am Kulturministère unzesidelen. Dat soen d'Filmproduzenten a Realisteuren Bady Minck an Donato Rotunno. Si wënsche sech ee Minister, deen d'Defië vum Secteur erkennt.

Wat wier Är éischt Mesure, déi Dir géift duerchbréngen, wann Dir Premierminister wiert? De Student Ben Dratwicki géif d'Pouvoiren am Land anescht verdeelen an d'Bierger méi an déi politesch Decisiounen abannen.

A knapp engem Mount si Chamberwahlen. Eng Partei, déi dës Kéier fir d'éischt dobäi ass, sinn déi Konservativ. Mir hunn de Joe Thein e ganzen Dag begleet, fir méi iwwer hie gewuer ze ginn.

Lëtzebuerg respektéiert viraussiichtlech d'Klimaschutzziler fir 2020. Strukturell Reformen a Richtung Klimaneutralitéit feelen um Enn vun dëser Legislatur awer nach, mengt d'Pia Oppel an enger Analys.

Den Automobilclub ass fir een dräispuregen Ausbau vu bestëmmten Deeler vun den Autobunnen. Accidenter kéinten esou méi séier geraumt a Stau evitéiert ginn, seet den ACL-President Yves Wagner.

All d'Autobunne solle laangfristeg op sechs Spuren ausgebaut ginn. Dat versprécht d'CSV am Virfeld vun de Wahlen. Wéi realistesch ass dat? Wat soen déi aner Parteien?

Zu Lëtzebuerg gouf et 2013 e schwaache Wirtschaftswuesstem an eng héich Inflatioun. Den ekonomesche Kontext huet awer séier changéiert. D'Regierung konnt sech dowéinst wirtschaftspolitesch op d'Unzéie vun neie Betriber an Aktivitéite konzentréieren.

Et ass net kloer, ob déi Leit, déi eegenen Aussoen no ouni hiren Accord op enger Lëscht vun Demokratie vertruede sinn, dowéinst eng Plainte maache kënnen. Déi concernéiert Kandidate ginn elo hirersäits vun der Police virgelueden.

De Parquet reagéiert op déi rezent Korruptiounsvirwërf vum Lee Michel Baseggio. Den 20. August hat de Grënner vu Fräi Wieler der Justiz an engem Communiqué virgeheit korrupt ze sinn.

KPL a Piratepartei sinn allebéid fir d'Gratuitéit vum ëffentlechen Transport, d'Pirate schwätze léiwer vun "ticket-los" wéi vu gratis, well de Service net gratis ass, mee vun der Allgemengheet bezuelt gëtt.

No den Diskussioune ronderëm d'Kandidatelëschte vun der Partei Demokratie fuerderen eng Partie Politiker Ännerunge vum Wahlgesetz a strofrechtlech Konklusiounen.

D'Gesetz gesäit keng Méiglechkeet vir, fir eng Kandidatelëscht fir d'Chamberwahlen zeréckzezéien, oder fir e Kandidat vun enger Lëscht ze sträichen. Dat confirméiert d'Presidentin vum Haaptwahlbüro an der Stad.

Op der Lëscht vun der Partei Demokratie sinn eng ganz Partie Leit déi soen, si hätten hiren Accord ni ginn, fir Kandidat ze ginn. D'Initiativ kritt Manipulatioun virgeheit. Verschidde Betraffener soen, si hätten eng Plainte gemaach.

Eltere sollen duerch d'Reform vum Congé parental méi finanziell Moyenen a Flexibilitéit kréien. Mir hu bei jonken Elteren nogefrot, wéi si den neie Congé parental notzen a wat een nach verbessere kéint.

D'Bréifwahl gouf vereinfacht. Fir d'Chamberwahle 2018 ka jiddweree vun der Bréifwahl Gebrauch maachen, ouni eng Begrënnung ze ginn. Domat soll och erreecht ginn, datt méi Leit wiele ginn.

D'Regierung huet 2013 eng nei Kultur vun der Oppenheet annoncéiert, e "Renouveau Democratique". Eng nei Verfassung, méi politesch Participatioun an Transparenz goufe versprach. E Bilan vum Pia Oppel.

Zanter d'Stock Options agefouert goufen huet de Staat all Joer bis zu 135 Milliounen Euro verluer. D'Praxis gouf vun de meeschte Parteie kritiséiert. An de Wahlprogrammer bleiwen alternativ Proposen allerdéngs vag.

De 14. Oktober trieden aacht Parteien an alle véier Bezierker un: CSV, LSAP, DP, déi gréng, ADR, déi Lénk, Piratepartei, KPL. Am Zentrum sinn et néng Lëschten am Süden zéng.

Anescht wéi am Regierungsprogramm virgesinn, ginn et zu Lëtzebuerg nach keng Sammelkloen. Enn Avant-Projet wier awer an der Maach a kéim de Fuerderunge vun der ULC entgéint, esou de Bob Schmitz.

Rekordtemperaturen op quasi alle Kontinenter, Bëschbränn um Polarkrees weisen, wéi konkret den Impakt vum Klimawandel ass. D'Urgence spigelt sech awer an de Wahlprogrammer net erëm, bedauert d'Pia Oppel.

Dem Uschäin no huet keen Deputéierten d'Kandidatur vun der Biergerinitiativ Demokratie2018 mat senger Ënnerschrëft ënnerstëtzt. De leschte Freideg haten déi Responsabel vun där Biergerinitiativ dat virun der Press behaapt.

De Politolog Philippe Poirier gesäit och zu Lëtzebuerg an den neie Lëschte virun de Chamberwahlen eng Tendenz, fir de politesche System a Fro ze stellen an eng direkt "Demokratie vum Vollek" ze froen.

350 Bierger, Gemengevertrieder an Experten hunn a regionale Laboratoiren iwwer déi zukünfteg Entwécklung vum Land diskutéiert. Zil ass et, de Programme directeur de l'aménagement du territoire auszeschaffen.

Den Accord fir gemeinsam Regelen fir d'Chamberwahlen am Oktober ass ënnerschriwwen. Ënnerschriwwe gouf den Accord vun CSV, LSAP, DP, déi gréng an ADR. Déi méi kleng Parteien, wéi déi Lénk, d'KPL an d'Piraten, droen den Accord net mat.

D'LSAP huet hire Wahlprogramm ugeholl. D'Sozialisten envisagéieren ënner anerem eng Steierreform an Upassungen um System vum Kannergeld, seet den LSAP-Generalsekretär Yves Cruchten.

Wahlëmfroe louchen an de leschte Joren a méi Länner donieft. Dräi Méint virun de Chamberwahle stellt sech deemno d'Fro: Sinn d'Sondagen iwwer d'Beléiftheet vu Politiker a Parteien nach eiser Zäit ugepasst?

D'Parteie wëlle sech och fir d'Chamberwahlen am Oktober Regele fir ee faire Wahlkampf ginn. D'Verhandlunge lafen nach. Sträitpunkte sinn de Materialopwand, den Online-Wahlkampf an den Hate Speech.

D'DP wëllt d'Betribsbesteierung fir Kleng- a Mëttelbetriber erofsetzen. Ëm wéi vill konkret den Taux, deen aktuell bei 18 Prozent leit, soll erofgoen, wollt den DP-Spëtzekandidat a Premier Xavier Bettel awer net soen.

Den ADR-President Jean Schoos distanzéiert sech vun enger Ausso, déi ee Kandidat vu Wee2050 op Facebook gemaach huet. D'Wahlkampfbündnis an d'Kandidatur vum Tom Weidig wieren awer net a Fro gestallt.

Den Erik Marquardt ass op Malta an am Krisenteam vum Schëff Lifeline. Si hëllefe Migranten, déi a Séinout geroden. Wéi gesäit esou eng Missioun aus, a wéi erlieft hien d'Rettung?

Identitéitspolitik, Integratioun an d'Lëtzebuerger Sprooch sinn d'Haaptwahlkampftheme vun déi Konservativ. Bis elo steet eng Lëscht am Bezierk Süden. D'Spëtzekandidate sinn de Joé Thein an de Mario May.

Et wier e Schnellschoss fir d'Steierklass 1A ofzeschafen, seet de grénge Parteipreisdent Christian Kmiotek. Et wier och net wouer, datt déi gréng d'LSAP bei soziale Froen net ënnerstëtzt hätten.

Wat beweegt déi Jonk an der Politik? Sechs jonk Politikerinnen a Politiker hu beim Public Forum mat Vertrieder aus der Chamber a Regierung diskutéiert. Wien hat déi besser Argumenter?

Fir d'Chamberwahle vum 14. Oktober ass mat aacht Lëschten an alle Bezierker an enger zousätzlecher am Süden ze rechnen. D'FÖDP ass net méi am Rennen. D'Kandidature musse bis Mëtt August deposéiert ginn.

Wéinst de Wahlen am Oktober wier et net ubruecht, e ganze Budget fir 2019 opzestellen, seet den Eugène Berger (DP). De Claude Wiseler (CSV) fënnt et "sënnvoll a logesch", keng Akzenter méi ze setzen.

D'CSV gesäit sech gezwongen, d'Ofschafe vun der 80/80/90-Regelung fir Stagiairen am ëffentlechen Déngscht eventuell matzedroen: Dat huet den CSV-Fraktiounschef am 100,7-Interview däitlech gemaach.

Fir d'Staatsfinanzen am Grëff ze halen, misst déi nächst Regierung strukturell Ännerunge virhuelen, fuerdert de Jean-Paul Olinger. Konkret missten d'Pensiounen an d'Sécurité sociale reforméiert ginn.

Den Direkter vun der Handwierkerkammer Tom Wirion lueft d'Regierung fir den Tram a fir d'Steierreform. An der Landesplanung wier een awer net weiderkomm. Weider ass hie géint eng Hausse vum Mindestloun.

D'Nord-Lëscht vun déi gréng fir d'Chamberwahle kéint 100,7-Informatiounen no nieft dem Claude Turmes vun der Stéphanie Empain ugefouert ginn. De grénge Parteipresident wëllt d'Informatioun net kommentéieren.

D'Co-Presidentin vun déi gréng huet nom Doud vum Camille Gira iwwerraschend op engem Kongress annoncéiert, datt si mat der Politik ophält. Si kandidéiert also net fir d'Chamberwahlen am Oktober.

Déi lescht Seancë vun dëser Legislatur kënnege sech an der Chamber un. Wat awer an de leschte Wochen do gelaf ass, huet déi wéinegst Bierger vum Hocker gerass, mengt de Laurent Moyse am Fräien Mikro.

De fréiere Journalist Romain Meyer huet eng Biographie vum François Bausch geschriwwen. De grénge Politiker gëtt zum Deel onkritesch idealiséiert. D'Buch ass trotzdeem liesenswäert.

D'LSAP wäert d'Fuerderung vun enger Hausse vun zéng Prozent vum Mindestloun net iwwerhuelen. Dat geet ervir aus dem Gespréich mat der Taina Bofferding. D'Kannergeld misst indexéiert an och besteiert ginn.

D'Reform vum RMG géif Monoparentallen a Kanner an de Mëttelpunkt stellen, seet d'DP-Presidentin Corinne Cahen. Et misst een "iwwer de ganze Steiersystem" kucken, a Kanner och do an de Mëttelpunkt stellen.

D'Simone Asselborn-Bintz (LSAP) deelt d'Positioun vun hirem Parteikolleg Georges Engel. Sollt iwwer de Käerjenger Contournement nach virun de Wahlen ofgestëmmt ginn, da géif si dee Projet ofleenen.

Dem Claude Lamberty seng Ausso, datt déi gréng sech géife fir Fliedermais an d'DP fir de Mënsch asetzen, wier e "Frontalugrëff". Dat seet de grénge Claude Adam, deen am Abrëll an der Chamber ophält.

Sozial Kohesioun wier ee vun de Piliere vun der CSV-Wahlcampagne, sou de Claude Wiseler. Fir d'Bedeelegung vun Auslänner misst de Conseil national pour étrangers gestäerkt ginn, e Gremium dat net ganz bekannt wier.

"Wann een e Projet "Revenu d'inclusion sociale" nennt, an dee leit 25 Prozent ënnert deem wat eng Famill zu Lëtzebuerg brauch fir dezent ze liewen, dann ass dat en Hohn", seet de Marc Baum, Deputéierte vun déi Lénk.

Sprooch an d'Zukunft vum Land wiere wichteg Thematike fir Lëtzebuerg, seet de Fernand Kartheiser. Bei dëse Wahlen géifen dës Sujete méi am Zentrum vun der ëffentlecher Opmierksamkeet stoen.

D'CSJ wëllt, datt eng Milliard an den ëffentleche Wunnengsbau investéiert gëtt, seet d'Elisabeth Margue. Dat geet dem Jimmy Skenderovic vun der JSL net duer. Et misst een iwwer eng Präisbegrenzung nodenken.

De Fred Keup war Member bei der CSV. An et gouf Kontakter tëschent senger Asbl "Wee2050 / Nee2015" an der Partei am Virfeld vun de Gemengewahlen. Dat confirméiere verschidde Sourcen aus der Partei.

Bis op d'Lëtzebuerger Sprooch an de Wuesstem hätt ee sech nach mat kengen anere Sujete befaasst, seet de Fred Keup. Dat wéilt een elo am Hibléck op d'Chamberwahlen zesumme mat der ADR kucken.

De Michel Wolter ass iwwerzeegt, datt déi blo-rout-gréng Koalitioun no de Wahle vum 14. Oktober virufiert, wann et arithmetesch méiglech ass. Souguer mat 31 Sëtz. Do wier hie "ganz sécher", seet den CSV-Politiker.