Luxembourg Space Agency Zu Lëtzebuerg schaffen eng 800 Leit am Weltraumsecteur
Den Direkter vun der Luxembourg Space Agency fënnt et "net dramatesch", datt verschidden Entreprisen aus dem Lëtzebuerger Weltraumsecteur am Ufank Verloschter maachen. Eréischt an dräi bis fënnef Joer kéint ee mat "konkrete Resultater" rechnen, esou de Marc Serres.
Éischt positiv Unzeeche gesäit hien awer elo schonn. Den LSA-Direkter seet, am Moment géife "ronn 800 Leit" hei am Land am Space-Beräich schaffen. Hie rechent domat, datt an den nächsten dräi Joer nach 400 weider Leit dobäi kommen.
D'Luxembourg Space Agency gouf virun engem Joer gegrënnt. De Rick Mertens huet dofir beim Direkter nogefrot, wéi den éischte Bilan ausgesäit.
Déi laang Versioun vum Interview mam Marc Serres:
An der Mediathéik:
LauschterenMéi zum Thema
D'Uni Lëtzebuerg positionéiert sech am New Space
D'Uni Lëtzebuerg bitt vun dësem September un en neie Studiegang. De sougenannten interdisziplinäre Space-Master. Doduerch soll Lëtzebuerg sech europawäit am New-Space-Beräich un der Spëtzt positionéieren.
Mitigéierte Bilan iwwert "Space Mining" Initiativ
D'Chamber zitt ee mitigéierte Bilan iwwer d'Initiativ "Space Mining". D'CSV vermësst Konkretes. Déi Lénk kritiséieren de kapitalisteschen Hannergedanke vum Projet. De Wirtschaftsminister gesäit grousst Potential.
Bradford Space elo Aktionär vun Deep Space Industries
Déi amerikanesch Entreprise Bradford Space huet Deep Space Industries, an domat och déi Lëtzebuerger Filial iwwerholl. D'Ënnerstëtzung vun der Regierung a staatlech Hëllefe maache Lëtzebuerg fir Bradford Space attraktiv.
Deep Space Industries bleift zu Lëtzebuerg
Deep Space Industries hält um Standuert Lëtzebuerg fest - och nom Verkaf un en neien Aktionär. Dat sot eis de Wirtschaftsminister Etienne Schneider op Nofro hin. Nach dëse Mount sollen Detailer diskutéiert ginn.
Vill Interessi fir Weltraum-Aktivitéiten zu Lëtzebuerg
De Lëtzebuerger Staat hat 12 Milliounen a Planetary Resources investéiert. Mam Echec vun där Initiativ goung déi Zomm verluer. Dat wier awer kee Réckschlag fir de Secteur, seet de Marc Serres.
