Transition Days 2020 "Zesummen eng aner Zukunft proposéieren"

De Centre for Ecological Learning organiséiert dëst Joer nees d'Transition Days. Hei sollen d'Mënschen an d'Gespréich kommen an iwwer aner Weeër fir d'Gesellschaft schwätzen. Dës Kéier leeft de Festival ënner enger anerer Form of.

Pit Walté / cz

Transition days 2020
Foto: Website vun Transition Days 2020

Normalerweis ginn d'Transition Days wärend dräi Deeg organiséiert. Wéinst dem Coronavirus huet ee sech beim Centre for Ecological Learning fir dës Editioun fir eng aner Formule entscheet.

Vun September u ginn iwwer néng Méint, bis de Mee d'nächst Joer, all Mount verschidden Eventer organiséiert. D'Haaptfro vun dëser Editioun ass "How to live together in a one planet world". All Mount gëtt awer en anere Schwéierpunkt ronderëm dëst Theema gesat.

Dofir huet een d'Metaphore vum Haus gewielt, esou d'Delphine Dethier vum CELL. An den nächste Méint geet ee vun der Kichen, duerch d'Kummer an d'Garage, bis an de Gaart. All Mount stinn dann Eventer zu der jeeweileger Thematik um Programm.

"Strukturelle Wiessel kann nëmmen zesummen ëmgesat ginn"

Zesummen eng aner Zukunft proposéieren, dat wier d'Haaptzil vun den Transition Days, esou d'Delphine Dethier, den Austausch ënnertenee méiglech ze maachen an Initiative weisen, déi et scho gëtt.

Et wëllt ee weisen, datt jiddwereen en Impakt kann hunn, datt ee scho mat klenge Saachen, wéi d'Luucht ausmaachen, wann een aus dem Zëmmer geet, eppes verännere kann. Mee d'Transition Days sollen awer och drop opmierksam maachen, datt e strukturelle Wiessel nëmmen zesummen an och mat der Politik geet.

Online-Konferenz

De 17. September ass déi éischt Konferenz am Kader vun den Transition Days, um 19:30 an der Abtei Neimënster, mam Rob Hopkins, dem Matbegrënner vun der Transitioun-Beweegung.

Dës Konferenz ass zwar schonn ausverkaaft, mee et kann een awer iwwer YouTube live derbäi sinn.

Bis an de Mee gëtt am Neimënster och all Mount eng aner Video-Performance aus der Rei "Are we there yet?" gewisen.


Méi Informatiounen zu den Transition Days an den eenzelen Eventer fënnt een ënner www.transitiondays.lu

An der Mediathéik:

Magasinn / / Pit Walté
Lauschteren

Méi zum Thema

Landwirtschaft
Labele vu regionale Produiten

De Mouvement Ecologique, d'Bauerenzentral a Bio Lëtzebuerg sinn onzefridde mat der geplangter Labeliséierung vu regionale Produiten. Am Virfeld hätt et kee richtegen Dialog mat alleguer de betraffenen Acteure ginn.

Blanche Weber
Wirtschaft an Ekologie

De Wee aus der Kris muss genotzt gi fir fundamental Changementer an eisem Gesellschafts- a Wirtschaftssystem ëmzesetzen, esou d'Presidentin vum Mouvement Ecologique.

Programm

  • Mat Groove a Séil

  • On air

    Notturno

  • Vu 6 bis 10

  • Vun 10 bis 2

  • Vun 10 bis 2

Net verpassen

  • De radio 100,7 sicht Redakteren/Animateuren

    radio 100,7

    De radio 100,7 sicht fir seng Magasinn-Redaktioun 1 Redakter/Animateur (m/w) 20 St/W (CDD 1 Joer)
    an 1 Redakter/Animateur (m/w) 40 St/W (CDI) fir direkt ze engagéieren.

Dossieren

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen