Weideren Eclat an der Gemeng Keel-Téiteng Weideren Eclat an der Gemeng Keel-Téiteng

Am Keeler Gemengerot koum et de Moien op een Neits zu engem Eclat: anescht wéi virgesi konnt do net iwwer den neie Schäfferot ofgestëmmt ginn. Dat well de Buergermeeschter John Lorent de Conseiller Marcel Humbert vun der Sëtzung ausgeschloss huet. Dat huet de Buergermeeschter eis de Mëtteg elo selwer confirméiert.

ckl / cz / Pierre Reyland

Kayl Keel

Lauschteren

Mëtt Dezember hat den Ex-LSAP Conseiller Marcel Humbert géint de Budget gestëmmt, an déi rout-gréng Majoritéit un d'Fale bruecht. Nom Mësstrauensvotte géint d'Majoritéit virun enger Woch sollt elo de Moien iwwert e neien CSV-DP Schäfferot, ënnert der Leedung vum Jean Weiler, CSV, als neie Buergermeeschter, ofgestëmmt ginn. Mee den nach LSAP Buergermeeschter John Lorent huet de Marcel Humbert vun der Sëtzung ausgeschloss. Hien hätt deen néidege Certificat fir seng Covid-Heelung net gehat. Dofir wier him näischt anescht iwwreg bliwwen, wéi den Här Humbert vun der Sëtzung auszeschléissen, sou den Nach-Buergermeeschter John Lorent.

Doropshin hunn CSV an DP de Sall verlooss, den néideg Quorum war net erreecht, et konnt net zum Vott kommen. De Marcel Humbert seet hien hätt de Certificat vum negative PCR-Test geschéckt kritt. Dofir hätt hien dee Certificat de Moien net gehat. Hien hätt awer och negativ Schnell-Tester gemaach, déi de Buergermeeschter net akzeptéiert hätt.

De Buergermeeschter seet par konter, de Marcel Humbert hätt och kee Schnelltest virgewisen. "D'Gemengeskretärin sot formell, och de Schnelltest loung net vir."

Egal wéi, ass elo net kloer, wéini iwwert den neie Schäfferot wäert ofgestëmmt ginn. De John Lorent wëllt momentan keng Ausso doriwwer maachen. Warscheinlech géif ee waarde bis den Här Humbert all seng Certificate beieneen huet.

Wat d'Zesummesetzung vum neien CSV-DP Schäfferot zu Keel ugeet, sot Marcel Humbert eis nach, datt virgesi wier, datt den Här Weiler (CSV) de Buergermeeschter oll stellen, den éischte Schäffe géif de Romain Becker (DP) ginn an den zweete Schäffen géif de José Gonsalves (CSV). Hie selwer géif Gemengerotsmember bleiwen, sou nach de Marcel Humbert.

Méi zum Thema

Käl-Téiteng
Gemengepolitik

D'Gemeng Käl-Téiteng huet kee Schäfferot méi: gëschter Owend gouf d'Motion de censure mat de Stëmme vun den Oppositiounsparteien CSV an DP an dem Marcel Humbert, fréieren LSAP-Conseiller, ugeholl.

Kayl Keel
Gemengepolitik

Annerhalleft Joer virun de Gemengewale kritt Keel warscheinlech en neie Schäfferot. Déi aktuell rout-gréng Koalitioun vun der Südgemeng krut gëscht beim Vott vum Gemengebudget keng Majoritéit zesummen.

Net verpassen

Programm

Dossieren

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen