Zum Comité d'Initiative mat am ganzen aacht Memberen, dee beim Premier d'Organiséiere vun engem Referendum ugefrot hat, gehéiert de Gérard Koneczny, deen déi ëffentlech Petitioun lancéiert hat, mat der Demande no engem Referendum iwwert d'Verfassungsreform. Dës Petitioun, déi nach bis e Méindeg leeft, hate bis de Moie ronn 17.400 Leit ënnerschriwwen.
Wann dës Petitioun am Ganze 25.000 Ënnerschrëfte kritt, da wëllt d'CSV e Referendum "un d'Rulle bréngen", wéi de Parteipresident Claude Wiseler daz ugekënnegt hat, beim éischte Vott iwwert dat reforméiert Justizkapitel vun der Verfassung an der Chamber. D'Demande fir d'Organiséiere vum Referendum misst da vu méi wéi 15 Deputéierte gemaach ginn.