Logement Un toit c'est un droit

Mieterschutz Lëtzebuerg, sozial Vereenegungen, den OGBL, d'ASTI an de CLAE fuerdere méi politesch Decisioune fir bezuelbare Wunnraum ze schafen. Trotz der Kris géif d'Spekulatioun op Immobilien d'Präisser an d'Luucht dreiwen. D'Mëttelklass kéint sech déi héich Loyeren och net méi leeschten, seet d'Aldina Ganeto, Vizepresidentin vun der Mieterschutz Vereenegung.

Carole Schimmer / cbi

Aldina Ganeto
D'Aldina Ganeto

De ganzen Interview lauschteren


Reform vum Mietgesetz geet net wäit genuch

De Logementsminister Henri Kox wëllt d'Mietgesetz reforméieren. Hie proposéiert ënner anerem, datt d'Agencekäschten zur Hallschent vum Locataire an zur Hallschent vum Proprietär gedroe ginn. D'Proprietäre missten do hir Responsabilitéit iwwerhuelen, seet d'Aldina Ganeto.

"Et ass de Proprietär, deen de Service freet, an also muss deen och d'Käschte ganz iwwerhuelen. Mir fannen och, datt déi Garantie locative vill ze héich ass. Wann een eppes loune geet, da muss een ee Mount Loyer un d'Agence bezuelen, derbäi kommen zwee Méint Loyer fir d'Garantie an et muss een ee Mount Loyer am Viraus opbréngen. Dat si vill Suen déi ee muss beieneen hunn."

Vill Läit hätten do einfach keng Chance sech eng Wunneng ze leeschten. Dowéinst fuerdert d'Mieterschutz Vereenegung, datt d'Garantie just ee Mount u Loyer soll ausmaachen.

Wéi kontrolléiert de Mieter d'Legalitéit vum Loyer

D'Héicht vum Loyer ass am Prinzip op maximal 5 Prozent vum investéierte Kapital pro Joer limitéiert, esou steet et am Mietgesetz. Et ginn awer Schwieregkeete fir dat investéiert Kapital iwwerhaapt eraus ze kréien, bedauert d'Aldina Ganeto.

"Et ass ganz schwéier fir de Mieter festzestellen, wat déi Wunneng eigentlech wäert ass, déi e lount. Et misst een dat am Kontrakt festleeën, de Proprietär misst do villäicht méi Transparenz dra bréngen an dra schreiwen, wat d'Wunneng kascht huet oder wat en an déi Wunneng investéiert huet, fir datt een och eng Kontroll behält, ob déi 5 Prozent dann och respektéiert ginn."

Et wier ëmmer um Locataire d'Saachen ze beweisen an dowéinst wier et schwiereg d'Mietkommissioun ze saiséieren, well ee guer net weess, wat déi Wunneng eigentlech wäert ass.

Reform vun de Mietkommissiounen ass néideg

D'Mieterschutz Vereenegung fuerdert, datt d'Mietkommissioune professionaliséiert ginn, fir datt och d'Geriichter kënnen entlaascht ginn, betount d'Aldina Ganeto.

"Mir denken, datt d'Mietkommissiounen ee gutt Mëttel kéint sinn, datt ee sech u si ka riichten an do och keng weider Käschten huet. Et muss ee jo keen Affekot deen Ament hunn. Mee déi mussen awer professionell fonctionéieren. Een anere Punkt wier, datt déi Mietkommissiounen sech kéinten autosaiséieren, wa se zum Beispill an der Gemeng feststellen, datt et Abuse gëtt, datt d'Wunneng net ugepasst oder insalubre ass."

Méi zum Thema

Illustratioun Logement
Gläichheet a Logement

De Besëtz vu Grond a Buedem ass zu Lëtzebuerg ganz ongläich verdeelt. De Stephan Polet huet sech mam Sozial-Geograph Antoine Paccoud geschwat, dee sech mam Patrimoine foncier auserneesetzt.

Julien Licheron
Chamberwahlen 2018

D'Immobiliëpräiser zu Lëtzebuerg sinn zanter 2010 all Joer tëscht 4,5 a 5 Prozent geklommen. A si klamme virun, seet de Julien Licheron. D'Lëtzebuerger Specificitéit wier, datt zanter Joerzéngten d'Offer der Demande net nokënnt.

Programm

  • Notturno

  • On air

    Vu 6 bis 10

  • Vun 10 bis 2

  • Vun 10 bis 2

  • Resonanzen

Net verpassen

  • Annonce: Recherche d'un journaliste-présentateur

    Gebai vum radio 100,7

    L'Etablissement de Radiodiffusion Socioculturelle, opérateur de la radio de service public radio 100,7, recherche 1 journaliste-présentateur (m/f) sous contrat à durée déterminée (12 mois) et à tâche complète (40h/semaine)

Dossieren

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen