Bildungsdifferenzen Summerschoul: "E ganze Koup u Schüler nach net erreecht"

Ronn 6.000 Schüler hu sech am Kader vum Projet Summerschoul 2020 fir déi nei Cours de Rattrapagen ugemellt. Eng 80 Prozent heivu si Schüler aus dem Enseignement Fondamental, déi deemno fir d'éischte Kéier vun esou enger Offer kënne profitéieren. D'Zil vun den Nohëllefscourse wier et, déi Lacunnen opzeschaffen, déi duerch de Confinement entstane sinn, esou den Educatiounsminister rezent op enger Pressekonferenz. Mee wéi leeft dat Ganzt of, a wat soen d'Schüler zu den Nohëllefscoursen? D'Rahel Könen war an eng Grondschoul kucken.

Rahel Könen

Den Enseignant Jean-Jacques Muller
Den Enseignant Jean-Jacques Muller ass der Meenung, datt eng Partie Schüler och duerch d'Summercoursen net erreecht goufen.

Trotz Mesurë wéi Mask a Sécherheetsofstand wieren déi Jonk nees frou an der Schoul ze sinn. D'Zäit am Confinement an d'Schoul doheem wieren éischter stresseg an ustrengend gewiescht, esou d'Aussoen. Eng Schülerin betount och, datt engem doheem méi Motivatioun gefeelt hätt, wéi an der Schoul. Trotzdeem wier et interessant gewiescht d'Schoul doheem eng Kéier knnten ze erliewen.

De Jean-Jacques Muller huet sech als Enseignant vu Cours d'Appuien an der Flicht gesinn, och bei dëse Rattrapage-Coursen eng Hand mat unzepaken. Dem Enseignant no,¨ wier et awer eng Illusioun ze mengen, datt bannent enger Woch dat kéint opgeschafft ginn, dat wärend dem Confinement verluer gaangen ass.

Et géif och virkommen, datt Schüler, déi zwar fir en Nohëllefscours ugemellt waren, herno net erschéngen. Dem Enseignant no wier et derwäert doriwwer nozedenken, déi éischt Wochen no der Rentrée nach eng Kéier dofir ze notzen, eng Rei Lacunnen aus dem Confinement mat alleguer de Schüler opzeschaffen.

"Well ech muss soen, de Grupp vu Schüler, déi ech hei hunn, dat sinn nach net déi, déi duerch de Confinement am meeschte gelidden hunn. Dat hei sinn nach Schüler, wou d'Eltere sech der Wichtegkeet bewosst sinn, an d'Kanner dann och an de Rattrapage gemellt hunn. Mee e ganze Koup u Schüler, déi ech eben och vum Profil hier kennen, well ech Cours d'Appuie ginn, déi hu mir heimat nach net erreecht."

Datt eng 17 Prozent vun de Schüler aus der Gemeng Kayl der neier Offer vu Nohëllefscoursen no komm sinn, wier awer e gutt Zeechen, mengt den zoustännege Sous-Direkter Paul Vaessen. Nach wier schwéier anzeschätzen, wéi eng Lacunnen effektiv duerch de Confinement entstane sinn. De Sous-Direkter hofft elo, datt d'Rattrapage-Coursen eng Starthëllef fir de 15. September fir d'Schüler sinn.

Am nächsten Trimester sollen, dem Educatiounsminister no, och d'Appuis-Coursen an de Schoulen erweidert ginn. Den Enseignant Jean-Jacques Muller betount awer, datt dofir och méi Personal néideg wier.

An der Mediathéik:

Aktuelles / / Rahel Könen
Lauschteren

Méi zum Thema

Claude Meisch, ministre de l’Éducation nationale, de l’Enfance et de la Jeunesse
Schoulrentrée

Fir d'Schoulrentrée Mëtt September soll déi ganz Schouloffer assuréiert ginn, seet de Claude Meisch. Dat soll mat engem Stufe-Modell méiglech sinn. Déi sanitär Reegele missten agehale ginn.

Claude Meisch, ministre de l’Éducation nationale, de l’Enfance et de la Jeunesse
Educatioun

Den Educatiounsminister Claude Meisch informéiert d'Press iwwer zousätzlech Deconfinementsmesuren am Beräich vun der Educatioun. Suivéiert d'Pressekonferenz live am Video.

Net verpassen

  • 23.1. Riicht eraus mat der Blanche Weber

    Blanche Weber

    Nieft der aktueller sanitärer Kris ginn et aner Krisen, déi d'Liewen op dësem Planéit veränneren a weider verännere wäerten: De Klimawandel an d'Aartestierwen. Och Ëmweltschützer bréngen et net fäerdeg, e séiert Ëmdenken ze bewierken. Firwat? Ënner anerem doriwwer schwätze mer mat der Mouveco-Presidentin.

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen