No der Ried vum Finanzminister Staatsbudget: Kritik vun der Oppositioun

An der Ried vum Premier Xavier Bettel wiere vill Ziler genannt ginn, ouni awer datt konkret Weeër ze gesi wieren, dat selwecht gelt fir d'Budgetsried vum Finanzminister, kritiséiert den CSV-Deputéierte Gilles Roth. Och de Sven Clement vun der Piratepartei freet sech wéi d'Pläng vun der Regierung sollen ëmgesat ginn.

Carole Schimmer / cbi

Staatsbudget 2022
Foto: Chambre des Députés / Anthony Dehez

De Staatsbudget misst een am Detail liesen, well et wier nach net kloer, wéi déi Gelder konkret sollen agesat ginn, seet den Sven Clement vun der Piratepartei. Konkret Projete wieren an der Ried vum Finanzminister "natierlech" ze kuerz komm.

Fir d'CSV feelt et un Detailer

Zweiwel huet och de Gilles Roth: mat 228 Milliounen Euro géif ee keng 5.000 bis 8.000 Wunnenge bauen. Weider stellt fir den CSV-Deputéierte sech d'Fro, wéi ee mat der Aarmut géif ëmgoen.

Detailer iwwer d'Reform vun der Grondsteier géife feelen an hie werft der Regierung och ee Manktem un Steiergerechtegkeet vir an dat virun allem bei de Mono parentauxen.

déi Lénk: "Gerechtegkeet hierstellen"

Dat selwecht reprochéiert d'Deputéiert vun déi Lénk d'Nathalie Oberweis: et géif net drëm goe fir eng grouss Revolutioun ze maachen, "mee einfach mol d'Gerechtegkeet hierstellen". Och d'Nathalie Oberweis denkt hei un d'Monoparentauxen.

ADR: Kritik un der Staatsschold

Ee weidere Virworf vun der Oppositioun ass d'Staatsverschëldung. De Fernand Kartheiser, Deputéierte vun der ADR, fäert fir déi nächst Generatiounen: d'Regierung hätt net gesot, wéi se dës Scholde wëllen zeréckbezuelen

Et misst een den Budget nach eng Kéier op de Leescht huelen, mengt de Fernand Kartheiser.

Méi zum Thema

Net verpassen

  • Offre d'emploi: Programmchef

    radio 100,7

    Den Etablissement de Radiodiffusion Socioculturelle, deen de radio 100,7 bedreift, sicht en/eng neie/nei Programmchef/fin mat engem Aarbechtsvertrag op onbestëmmten Dauer (CDI) fir 40 Stonnen d'Woch.

Programm

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen