Corona-Kris Schwangerschaft an der Pandemie

Schwanger Frae missten am Kontext vun der aktueller Covid-Lag extra gutt oppassen, seet den Direkter vun der Maternité, den Dokter Didier van Wymersch. De Conseil supérieur vun den Infektiouns-Krankheeten huet rezent eng Recommandatioun erausginn, fir schwanger Fraen als vulnerabel unzegesinn.

Christiane Kleer / cbi

Eng schwanger Fra
Symbolbild. Foto: Bigstock / Boriszovich

Den Dr. van Wymersch seet, datt schwanger Frae wéinst hirem décke Bauch et méi schwéier hätte fir d'Longe mat Sauerstoff ze versuergen. Schwanger Frae sollen deemno extrem oppassen: Familljefester evitéieren, net an de Restaurant goen, de Kontakt mat jonken Erwuessene meiden.

Dat géif awer net bedeiten, datt déi schwanger Fra misst ophale mat schaffen, mee wa si sech net kéint un d'Schutz- an Distanzreegelen halen, da sollt si mat hirem Gynekolog diskutéieren, ob en Arrêt de travail néideg wier.

Den Dokter van Wymersch weist awer och drop hin, datt et wichteg wier sech an der Schwangerschaft net anzespären, mee ee soziaalt Liewen ze hunn. De Gynekolog preziséiert, datt eng Covid-Infektioun net geféierlech ass fir de Puppelchen am Bauch, mee datt et fir eng Schwangerschaft ongënschteg ass, wann déi Concernéiert den Houscht oder Féiwer huet a sech generell net gutt spiert.

Méi zum Thema

Klaus Vögele
Etüd iwwer de psycheschen Impakt vum Confinement

Eng Etüd déi a sechs Länner gemaach ginn ass, wollt erausfannen, wéi eng Auswierkungen d'Confinementsmesuren op d'Psych vun de Mënschen hat. Spuenien, Italien, Frankräich, Schweden, Lëtzebuerg an Däitschland hu matgemaach.

Accouchéieren Gebuert
Gesondheet

Wéinst dem Coronavirus huet vill geännert. Och an de Maternitéë ginn et wärend der Corona-Pandemie besonnesch Sécherheetsmesuren. An et ginn och Ënnerscheeder, och an der Fro, ob d'Fra bei der Gebuert muss e Mask undoen.

 

Net verpassen

  • Mam 100,7-Mikro ënnerwee

    Max Feyder

    Eise jonke Freelancer Max Feyder aka Skibi ass an den nächste Woche mam 100,7-Mikro ënnerwee, fir an der Strooss Stëmmungsbiller anzefänken an d'Leit no hirer Meenung zu bestëmmten Theemen ze froen.

Programm

Dossieren

  • Olympesch Spiller 2021

    D'Olympesch Spiller fannen, mat enger Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen