PROZESS Riichter zitt sech aus Prozess géint André Lutgen zeréck

De Riichter Stéphane Maas zitt sech aus dem Prozess géint den Affekot André Lutgen wéinst Outrage an Intimidatioun vun engem Magistrat zeréck. Dat deelt de President vum Stater Bezierksgeriicht an engem Communiqué mat.

André Lutgen (Zweete vu lénks ), François Prum (Drëtte vu lénks)
Foto: André Lutgen (Zweete vu lénks ), François Prum (Drëtte vu lénks)

De Récktrëtt kënnt nodeems den Untersuchungsriichter Filipe Rodrigues, deen den André Lutgen beim Parquet denoncéiert hat, d'lëscht Woch dem Stéphane Maas seng Récusatioun gefrot hat.

Et war wuelverstanen net den Ugekloten André Lutgen, deen d'Récusatioun vum Riichter wéinst Befangenheet gefrot hat. Mee den Untersuchungsriichter, deen den André Lutgen soll intimidéiert hunn, als Partie civile. Den Filipe Rodrigues hat am Prozess als Zeie missen aussoen a war sichtlech rosen, iwwer d'Manéier, wéi hien do befrot gi war.

De Riichter Stéphane Maas erkennt dee Virworf vun der Befaangenheet awer net un. Well hie sech zeréck zitt, muss de President vum Bezierksgeriicht lo net méi iwwer den Acte de Récusation decidéieren. De Prozess géint den André Lutgen muss refixéiert ginn. En Datum dofir gëtt et awer nach net.

Méi zum Thema

André Lutgen (Zweete vu lénks ), François Prum (Drëtte vu lénks)
Prozess

D'Opreegung war grouss den Donneschdeg an der Cité judiciaire. Dat wéinst dem Prozess géint den Affekot André Lutgen wéinst Outrage an Intimidatioun vun engem Magistrat.

Jean-Claude Franck Analys
Nom Urteel

Déi dräi Ugeklote am Srel-Prozess goufe gëschter fräigesprach. D'Versioun vum fréiere Premier Jean-Claude Juncker gëtt vun de Riichter widderluecht. Eng Analys vum 100,7-Chefredakter Jean-Claude Franck.

 

Net verpassen

Programm

Dossieren

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen