Riicht Eraus: Economesch Inegalitéiten zu Lëtzebuerg
Och wann et zu Lëtzebuerg keng gutt statistesch Donnéeë ginn, fënnt ee kloer Hiweiser datt d’Inegalitéite klammen, an d’Politik muss dorobber reagéieren. Doranner waren den LSAP-Deputéierte Franz Fayot an den OGBL-President Jean-Claude Reding sech de Mëtten an eiser Emissioun “Riicht Eraus” eenz. Eng aner Analys mécht de Jean-Jacques Rommes: de President vum Exekutiv-Comité vun der Patronatsvereenegung UEL huet drop higewisen, datt d’Bevëlkerung am Ganze méi räich ginn ass. An deem Kontext wiere méi staark Inegalitéiten och net onbedéngt negativ ze beuerteelen.
Am Mëttelpunkt vun der Emissioun stoung dem franséischen Economist Thomas Piketty säi Constat, datt d’Inegalitéiten an Europa klammen, ë.a. wéint den niddrege Steieren um Kapital (den 100,7-Interview mam Thomas Piketty fannt Dir hei). De Franz Fayot huet am Sënn vum Piketty senger Analys fir d’Aféiere vun enger Ierfschaftssteier plaidéiert. Dat wier fir d’Finanzplaz e negatiivt Signal, sou d’Warnung vum Jean-Jacques Rommes. De Patronatsvertrieder huet drop higewisen, datt déi Lëtzebuerger Finanzindustrie zum Deel drop ausgeriicht ass, fir “räich Leit ze zervéieren”. De Jean-Claude Reding huet sengersäits drop higewisen, datt Lëtzebuerg forcéiert kéint ginn dësen Dilemma opzeléisen, dat duerch d'Beméiunge fir eng méi staark Steierharmoniséierung an der EU.
Déi éischt Halschent vun der Emissioun:
Déi zweet Halschent:
