Hausse vun Neiinfektiounen Coronavirus: Ausseruerdentleche Regierungsrot den Owend

D'selwecht wéi an den Nopeschlänner klëmmt och zu Lëtzebuerg d'Zuel vun de confirméierten Neiinfektiounen. De Premier Xavier Bettel (DP) huet fir den Owend zu Senneng en ausseruerdentleche Regierungsrot aberuff.

jcf

Coronavirus
Foto: Bigstock / MrVettore

No der Reunioun ass eng Pressekonferenz vum Premier Xavier Bettel (DP) an der Gesondheetsministerin Paulette Lenert (LSAP). Dat gouf gëschter Owend vum Staatsministère matgedeelt.

Hausse vun den Neiinfektiounen

Den Taux d'incidence vun den Neiinfektioune pro Woch a pro 100.000 Awunner ass bannent enger Woch vun 100 op 164 geklommen. Den Taux d'incidence läit elo bal sou héich wéi um Héichpunkt Enn Mäerz. Deemools gouf awer fënnef mol manner getest wéi haut.

De Positivitéitstaux (Moyenne op siwen Deeg) ass op 2,4 Prozent geklommen - den héchste Wäert zanter Abrëll, mee nach däitlech ënner de Spëtzewäerter vun Enn Mäerz.

Um Donneschdeg goufen et bei de Residenten 227 positiv Tester. Dat sinn der souvill wéi nach ni zanter dem Ufank vun der sanitärer Kris.

De Bléck op d'Groussregioun

Och an den Nopeschlänner klëmmt den Taux d'incidence. D'Belsch ass am Meeschte betraff mat 364 Neiinfektioune pro Woch a pro 100.000 Awunner, Däitschland läit mat engem Taux vu 37 wäit drënner.

Altersmoyenne soll liicht klammen

D'Altersmoyenne vun de Leit, bei deenen de Virus nogewise gëtt, hätt dës Woch ugefaange mat klammen, hat d'Gesondheetsministerin de Mëttwoch virun der Press gesot. Zwou gutt informéiert Sourcen hunn eis deen Trend gëschter nach emol confirméiert.

Well d'Altersmoyenne an de leschte Wochen niddereg war, si bis elo nach net vill Patienten op der Intensivstatioun, esou Experten. Wéinst Covid-19 sinn den Ament nëmme véier Intensivbetter beluecht.

Programm

  • Mat Groove a Séil

  • On air

    Notturno

  • Vu 6 bis 10

  • Vun 10 bis 2

  • Vun 10 bis 2

Net verpassen

  • De radio 100,7 sicht Redakteren/Animateuren

    radio 100,7

    De radio 100,7 sicht fir seng Magasinn-Redaktioun 1 Redakter/Animateur (m/w) 20 St/W (CDD 1 Joer)
    an 1 Redakter/Animateur (m/w) 40 St/W (CDI) fir direkt ze engagéieren.

Dossieren

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen