ADMINISTRATION PÉNITENTIAIRE Prisong: Impfdosisse goufen net wechgeheit

Am Prisong gouf keng eng Impfdosis ewech geheit. Dat seet den Direkter vun der Prisongsverwaltung Serge Legil a widderleet domadder d'Informatioun aus enger parlamentarescher Ufro vun der CSV datt d'Dose vun de refuséierten Impfungen am Prisong ewechgeheit gi wieren an net weiderverdeelt gi wieren.

Maxi Pesch / tt

Serge Legil
De Serge Legil ass de Chef vun der Prisongsverwaltung (Foto: Archiv)

Lauschtert de ganze Bäitrag hei.


D'Impfdosisse wiere vun der Equipe mobile vum Gesondheetsministère an engem Killwon aus dem Impfzenter um Lampertsbierg bruecht ginn, esou de Serge Legil.

Bei 180 Detenuë wieren 18 Flacone à 10 Dose versprëtzt ginn. De Rescht deen d'Equipe mobile bei sech hat, wier integral zeréck op de Lampertsbierg gaangen an do am Centre de vaccination weiderverimpft ginn.

"Dat heescht et ass net eng Dosis verluer gaangen oder ee geimpft ginn deen net impfberechtegt war, guer näischt."

esou de Serge Legil.

Zu Schraasseg hätte sech ronn 34 Prozent vun den Detenuen impfe gelooss. Den Direkter vun der Prisongsverwaltung präziséiert:

"Do hate mir 210 vun den am ganze 525 Prisonéier déi sech ugemellt haten, an de facto sinn den Dag selwer just 180 komm. Dat heescht zu Schraasseg sinn 30 Leit net komm den Dag selwer, wou e klengen Deel dovun net wollte mam Vaccin (AstraZeneca) geimpft ginn, deen deen Dag zur Verfügung stoung. "

Zu Givenech wieren den 31. Mäerz 30 vu 66 Detenuë geimpft ginn.

De Serge Legil weist sech iwwerrascht, datt d'Impfbereetschaft sou niddreg bei den Detenuë war. Den Ament wieren nach ëmmer eng 10 Prisonéier positiv, wieren awer alleguer asymptomatesch. Dat wier nach ëmmer de selwechte Corona-Cluster wéi am Ufank, verséchert den Direkter vun der Prisongsverwaltung.

Méi zum Thema

Prisong
Weider Infektioune mam Coronavirus

Am Ganzen hu sech elo sechs Detenuen am Prisong mam Coronavirus infizéiert, sou den Direkter vun der Prisongsverwaltung. Wou d'Detenue sech ugestach hunn, wier net nozevollzéien, sou de Serge Legil.

Serge Legil Exklusiv
Gesondheet

De Freideg den Owend ass fir déi éischte Kéier en Detenu an engem Block am Prisong positiv op de Coronavirus getest ginn, sou de Chef vun der Prisongsverwaltung Serge Legil an eiser Emissioun Riicht Eraus.

Programm

Net verpassen

  • Annonce: Recherche d'un chef de la programmation

    Gebai vum radio 100,7

    L'Etablissement de Radiodiffusion Socioculturelle, opérateur de la radio de service public radio 100,7, recherche 1 chef de la programmation (m/f) pour contrat à durée indéterminée et à temps plein.

Dossieren

  • Déi eeleft Editioun vum LuxFilmFest

    Trotz Pandemie gëtt de Luxembourg City Filmfestival organiséiert. Déi 11. Editioun (4.-14. Mäerz) kritt dëst Joer awer eng liicht aner Nues: Filmer ginn deels am Kino deels online gewisen.

  • Drogen a Mënschen

    Zanterdeem et d'Mënschheet gëtt, hunn Droge si begleet. Haut hu vill Drogen e schlechte Ruff. Wisou ass dat esou a wat misst geschéien, fir besser iwwer eventuell Risike beim Konsum opzeklären?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen