Referendum iwwer Verfassungsreform Petitionäre weise sech onzefridden nom Debat Public

D'Chamber geet net méi op de Wee fir selwer eng Initiativ ze starten, fir e Referendum iwwer déi geplangte Verfassungsrevisioun.

Serge Kesseler / tt

IMG_2272.jpg

Et soll awer vill besser iwwer d'Grondgesetz an déi geplangte Changementer informéiert ginn - dat war d'Conclusioun de Mëtteg nom Debat Public iwwer déi ëffentlech Petitioun zu dësem Theema. Eng Petitioun, déi eng Rekord-Zuel vun 18.645 Leit ënnerschriwwen haten.

Petitionäre werfe Politiker Angscht vir

De Petitionär Gérard Koneczny huet nom Debat gesot, hie wier net zefridden, well d'Versprieche vun engem Referendum net géif gehale ginn. Hien hat sech gewënscht, datt d'Wieler iwwer d'Verfassungsreform solle kënnen decidéieren. Senger Meenung no géifen déi véier grouss Parteie fäerten, e Referendum ze maachen.

De Luc Deitz, deen de Gérard Koneczny beim Debat ënnerstëtzt huet, huet d'Politiker iwwerdeems gewarnt:

"Wann dir wëllt, dass nach iergendee Wieler an dësem Land iech nach an iergendengem Dossier (...) an Zukunft nach iergendeppes gleeft, dann ass et ee vun Iech initiéierte Referendum, deen är leschte Chance ass."

Dozou wäert et awer net kommen, wéi d'Presidentin vun der Chamber-Petitiounskommissioun Nancy Kemp-Arendt (CSV) nom ëffentlechen Debat däitlech gemaach huet.

"Et ass evident gewiescht, datt hei majoritär d'Chamber op de Wee gaangen ass fir elo net selwer eng Initiativ méi ze starte fir de Referendum ze maachen."

D'Nancy Kemp-Arendt huet an Aussiicht gestallt, datt bei de geplangte Changementer um Grondgesetz den Informatiouns-Effort soll verstäerkt ginn.

Dësen Effort, deen op dräi Sprooche soll lafen, wier eng eestëmmeg Conclusioun, nom Debat Public iwwer d'Petitioun, déi e Referendum iwwer déi ganz Verfassungsrevisioun verlaangt hat.

Méi zum Thema

Nancy Kemp-Arendt
Chamber

Och wann e Referendum iwwer d'Verfassung politesch vum Dësch ass, wier den Debat public an der Chamber iwwer d'Petitioun 2007 haut net iwwerflësseg, esou d'Nancy Kemp-Arendt. Petitioune wieren opschlossräiche Barometer vun deem, wat d'Leit beschäftegt.

Ënnerschrëft
Verfassungsreform

Vun haut u kann op der Gemeng d'Demande fir ee Referendum iwwer d'Verfassungsreform ënnerschriwwe ginn. 25.000 Ënnerschrëfte si bis den 20. Dezember néideg. Ee vun den Organisateure weist sech zouversiichtlech.

Chamber
Verfassungsreform

Eng ëffentlech Petitioun fir e Verfassungsreferendum wäert an der Chamber debattéiert ginn, d'Parteie wäerte sech nach eemol zur Fro musse positionéieren. Ee Referendum kéint vum Parlament a vu Bierger declenchéiert ginn.

 

Net verpassen

Programm

Dossieren

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen