OAI verzicht op Referenztariffer fir d'Honorairë

Den “Ordre des Architectes et des Ingénieurs-Conseils” (OAI) publizéiert an Zukunft keng Referenztariffer méi fir d’Honorairë vun den Architekten an Ingenieuren. Déi Propose vum OAI huet de "Conseil de la Concurrence" akzeptéiert, an an enger Décisioun vum 5. Februar festgehalen.

D’Kontrollautoritéit ass der Meenung, dass d’Referenzbarêmen vum OAI enger Präissofsprooch gläichkommen: bis op wéineg Ausnahme géifen d’Architekten an d’Ingenieuren sech nämlech un déi Recommandatiounen halen, sou de Jean-Claude Weydert vum Konkurrenzrot an eisem Mëttespanorama. Deem huet den Direkter vum OAI widdersprach. De Pierre Hurt betount, dass d’Referenztariffer réischt op Demande vum Konsumenteschutz publizéiert goufen. An Zukunft misst d’ULC eventuell iwwer Marchésetudë fueren, fir de Konsumenten eng Orientatioun unzebidden.

Detailer am Bäitrag vum Pia Oppel:

 

Net verpassen

Dossieren

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen