Coronavirus a Schoul No der Rentrée: Schüler solle "cibléiert" getest ginn

Den Educatiounsminister Claude Meisch rifft all d'Schüler an d'Enseignanten dozou op sech nach virun der Rentrée op de Coronavirus testen ze loossen. Esou soll verhënnert ginn, datt Leit de Virus aus der Vakanz mat an d'Schoul bréngen an do weider Leit ustiechen.

Rick Mertens (Interview) / Chris Zeien (Web)

Claude Meisch

An Analysen hätt ee festgestallt, datt dee gréissten Deel vun de Jugendleche sech an der Famill géif infizéieren, seet de Claude Meisch, "esou datt Famille mat Kanner ganz staark an de Fokus vum Large-Scale-Testing wäerte réckelen". D'Regierung géif an der nächster Zäit mat hire sanitär Mesuren éischter do reagéieren, wou de Virus present ass.

D'Lycéeë kënne vun der Rentrée u selwer decidéieren, ob d'Schüler och an der Klass mussen eng Mask undoen. D'Direktioune vun den eenzele Schoule wieren am Beschte placéiert fir déi Decisioun ze huelen, esou den Educatiounsminister Claude Meisch. Déi Decisioun soll awer ofgeschwat ginn.

"Ech denken, datt et wichteg ass, datt eng Direktioun dat och mat den Acteuren an der Schoul ofschwätzt. Datt een do elo net no vir stiermt a seet, elo maache mer dat, an d'Schüler an d'Enseignantë verstinn et net, an d'Elteren acceptéieren et net. Dofir soll een déi Acteuren op d'mannst och consultéieren."

Dat wichtegst wier, datt Schüler an Enseignante sech sécher genuch spiere fir sech op d'Léieren ze konzentréieren, esou de Claude Meisch. Wann an enger Schoul vill Infektiounen optrieden, da kéint awer och d'Santé imposéieren, datt an de Klassesäll Maske mussen ugedoe ginn.

D'Schoulen hunn och d'Méiglechkeet fir en Deel vun de Schüler vun doheem aus léieren ze loossen an d'Schoule kéinten hire Modell och relativ fräi gestalten, "mee wann een duerno gesäit, do ass wierklech e Problem an enger Schoul, da kann et och sinn, datt d'Santé déi Mesuren imposéiert", esou den Educatiounsminister.

An der Mediathéik:

Invité vum Dag / / Rick Mertens
Lauschteren

Méi zum Thema

Claude Meisch, ministre de l’Éducation nationale, de l’Enfance et de la Jeunesse
Schoulrentrée

Fir d'Schoulrentrée Mëtt September soll déi ganz Schouloffer assuréiert ginn, seet de Claude Meisch. Dat soll mat engem Stufe-Modell méiglech sinn. Déi sanitär Reegele missten agehale ginn.

Covid-Gesetzer
Covid19-Gesetz

D'Moossname wéinst der Pandemie solle bis zum Enn vum Joer verlängert ginn. D'Chamber stëmmt tëschent dem 18. an 22. September doriwwer of. Eng Rei Changementer si bei de Mesurë virgesinn.

Programm

Net verpassen

  • 23.1. Riicht eraus mat der Blanche Weber

    Blanche Weber

    Nieft der aktueller sanitärer Kris ginn et aner Krisen, déi d'Liewen op dësem Planéit veränneren a weider verännere wäerten: De Klimawandel an d'Aartestierwen. Och Ëmweltschützer bréngen et net fäerdeg, e séiert Ëmdenken ze bewierken. Firwat? Ënner anerem doriwwer schwätze mer mat der Mouveco-Presidentin.

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen