Alain Disiviscour Nei Reegele fir elektresch Trottinetten a Co.

Zanter Januar gëllen am Code de la Route nei Reegele fir Mikro-Gefierer, ewéi Trottinetten, mat engem Motor vu manner ewéi 0,25 Kilowatt an déi tëschent sechs a 25 Kilometer an der Stonn fueren. Déi mussen déi selwecht Reegelen anhalen ewéi d'Vëloen, präziséiert den Alain Disiviscour, Chargé de Direction am Transportministère an zoustänneg fir d'Sécherheet op der Strooss.

Carole Schimmer / tt

Alain Disiviscour
Den Alain Disiviscour.

Déi elektresch Mikogefierer gi laut Code de la Route dem Vëlo gläichgestallt, et kann ee se also ënner anerem op der Strooss an op Vëlospisten notzen. Et dierf een domat also net um Trottoir ënnerwee sinn. Eng Rei Equipementer gi virgeschriwwen ewéi Luuchten, eng rout hannen an eng wäiss fir. Säitlech si Reflekteren obligatoresch. Et kéint ee sech och virstellen, d'Luuchten um Helm oder um Rucksak ze installéieren, präziséiert den Alain Disiviscour.

Mikrogefierer ouni Stroum dierfen um Trottoir zirkuléieren

Et ginn och nei Reegelen fir Gefierer déi ouni Stroum fueren:

"Hei schwätze mer generell vun Allem wat ouni Stroum funktionéiert, ewéi Skateboard oder eng Trottinette ouni Elektresch, déi dierfen um Trottoir fueren. Wat sech heibäi ännert ass, datt dat net méi altersofhängeg ass. Dat heescht een Erwuessenen, dee mat esou eppes ënnerwee ass, dierf sech och um Trottoir dermat beweegen, mee en dierf net méi séier ewéi Schrattgeschwindegkeet fueren an e muss oppassen, datt en d'Foussgänger net hënnert, well d'Foussgänger hunn absolut Prioritéit."

Generell gëtt fir jiddweree recommandéiert, datt een op der Strooss visibel gëtt an datt een och een Helm undeet. Blénkluuchten si par konter verbueden.

Nei Campagne 'Respect my space'

Den ëffentleche Verkéier ass limitéiert. Mir mussen kucken datt dee Raum fir all d'Verkéiersteilnehmer opgedeelt gëtt. D'Leit missen een op deen Aneren oppassen, freet den Alain Disiviscour:

"Wann s du laanscht de Vëlo fiers, pass op datt s du genuch Ofstand léis fir dee Vëlo an dass de genuch Ofstand zu Motoen hues. Den Haaptmessage bleift respektéier déi Aner am Verkéier."

Méi zum Thema

Monique Goldschmidt
Infrastrukturen am ëffentleche Beräich

D'ASBL "ProVelo" kritiséiert, datt den Dialog mat der Stad Lëtzebuerg fir Vëlosinfrastrukturen net zefriddestellend wier. D'Stad stoung ënner der Woch och wéinst enger Etüd iwwer Foussgängersécherheet an der Kritik.

Vëlobuttek
Wirtschaft

Zanter Wochen ass et schwiereg hei am Land un en neie Vëlo ze kommen. D'Corona-Pandemie hat e reegelrechte Rush op Vëloen ausgeléist. Eng héich Demande, där d'Offer net nozekomme schéngt.

Teresie
Aktioun

D'Teresie Hommersand aus Norwege fiert zanter dräi Joer mam Vëlo vu Kapstadt op den Nordkap vu Norwegen, fir net mam Fliger ze fléien. D'Sarah Pepin huet d'Cyclistin op engem Tëschestopp zu Berlin getraff.

Net verpassen

Dossieren

  • Buchkriticken

    D'Kulturredaktioun vum radio 100,7 presentéiert Rezensioune vu Lëtzebuerger an internationale Bicher.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen