Nei Nationalbibliothéik a Nationalarchiven: wou sinn d'Projeten drunn?

D’Kulturministesch Maggy Nagel kann sech virstellen, datt een Deel vun de Nationalarchive längerfristeg an de Gebaier vun der «Administration des Bâtiments Publics» (ABP) kann ënnerkommen. Am Fong war de Stockage zu Bartreng just als Iwwergangsléisung geduecht, well d'ABP d'Infrastrukturen selwer brauch.

Opmannst déi nächst zwee Joer wier kee Budget do, fir de Bau vun engem neie Gebai fir d’Nationalarchiven an d'Weeër ze leeden, sou d’Maggy Nagel. D’Regierung wier sech awer bewosst, datt d’Nationalarchiven aus alle Néit platzen an eng definitiv Léisung muss fonnt ginn.

D’Maggy Nagel kritiséiert iwwerdeems, datt déi nei Nationalbibliothéik um Kierchbierg soll 112 Milliounen Euro kaschten. Fir bei deem Projet nach gréisser Spuerefforten ze maachen, wier et awer schonn ze spéit. Och de Fait, datt d’Nationalarchiven net an de Projet um Kierchbierg integréiert goufen, bedauert d’DP-Kulturministesch. D’DP-Fraktioun hat d’Gesetz iwwert de Bau vun der Nationalbibliothéik am Mäerz zejoert an der Chamber matgestëmmt.

De Bäitraag vum Pia Oppel:

 

Net verpassen

Dossieren

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen