Logement Nei Krittäre bei der SNHBM

Fir datt d'Leit net méi musse virun der SNHBM campéiere fir eng subventionéiert Wunneng an de Gemengen ze kafen, huet den ëffentleche Bauträger seng Krittäre geännert, seet de Guy Entringer, Direkter vun der Société Nationale des Habitations à Bon Marché.

Maxi Pesch / cz

Guy Entringer
Guy Entringer

De Bäitrag vum Maxi Pesch


Gekuckt gëtt elo, wie prioritär ass. Ob een zum Beispill an där Gemeng wunnt an där d'Wunnengen ugebuede ginn, op een do schafft oder ob d'Elteren do wunnen. An enger zweeter Etapp géif d'SNHBM prioritär Famille mat zwee Kanner oder méi zervéiren. Dono dierfe Famille mat engem Kand, dann d'Koppelen an da Celibatairë sech eng Wunnen aussichen.

Den neie Krittären no hunn d'Leit dräi Wochen Zäit fir hire Kandidaten-Dossier ofzeginn, nodeems eng Seance d'Information mat der Gemeng stattfonnt huet. Wien den Dossier als éischten ofgëtt spillt keng Roll méi, erkläert de Guy Entringer, Direkter vun der Société Nationale des Habitations à Bon Marché. Gekuckt gëtt elo, wie prioritär ass.

Bei de Wunnprojeten déi d'SNHBM ouni d'Gemenge mécht, wéi zum Beispill um Kierchbierg, wäert den ëffentleche Bauträger weiderhin no enger Waardelëscht fueren, mam Ënnerscheed, datt gekuckt gëtt, datt nach Wunnenge besser gefëllt ginn. "Zum Beispill e Celibataire kann, wann d'Demande grouss ass, just nach eng Appartement mat zwou Kummeren an net méi mat dräi oder véier Kummere kafen", sou de Guy Entringer.

De Plaffong vum Revenu fir eng subventionéiert Wunneng eligibel ze si géif net geännert ginn, sou nach de Guy Entringer. D'SNHBM géif och un enger Method schaffen, déi et erméiglech d'Dossieren iwwer Internet anzereechen.

Méi zum Thema

Sam Tanson
Logement

D'Logementsministerin Sam Tanson weist sech "relativ schockéiert" a fënnt et "net würdeg", datt an der Nuecht vun Dënschdeg op Mëttwoch Leit virun der SNHBM campeiert hunn, fir hire Kandidaten-Dossier fir e Wunnprojet ofzeginn.

Guy Entringer
Leit campéiere virun SNHBM

Déi lescht Nuecht hunn eng Rei Persounen virum Gebai vun der SNHBM op der Kalchesbréck d'Nuecht verbruecht, fir de Mëttwoch Moien ënner den Éischten ze sinn, déi sech op eng Lëscht fir een Haiserprojet zu Alzeng aschreiwen.

Sam TANSON
Logement a Kultur

De Logement wier eng richteg Erausfuerderung. Si géif awer och d'Potential an deem Ministère gesinn, notamment duerch d'Zesummenaarbecht mat deenen anere grénge Ministeren, esou d'Sam Tanson.

Xavier BETTEL
Regierung Bettel II

Esou laang et dem Land géif gutt goen, sollt et de Bierger gutt goen. Eréischt wann dat net méi de Fall wier, misst ee kucke wou ee misst kierzen, mengt de Premier Xavier Bettel.

Guy Entringer
Société nationale des habitations à bon marché

D'SNHBM wëllt e Projet mat 750 Haiser an Appartementer zu Ollem realiséieren, op engem eegenen Terrain vu 27 Hektar. De Projet soll eng héich Liewensqualitéit garantéieren.

Chantier Exklusiv
Logement

D'"Société Nationale d'Habitation à Bon Marché" schafft un enger Kapitalerhéijung. Wéinst hirer Expansioun soll d'SNHBM viraussiichtlech zéng Milliounen zousätzlech zur Verfügung gestallt kréien.

Net verpassen

Dossieren

  • Buchkriticken

    D'Kulturredaktioun vum radio 100,7 presentéiert Rezensioune vu Lëtzebuerger an internationale Bicher.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen