Covid-19 Nei Covid-Mesurë kéinten zu Undrang bei Hausdoktere féieren

D'Isolatiounsdauer am Fall vun engem positiven Test geet op véier Deeg erof, en Hausdokter kann de Krankeschäin da verlängeren. Dat kéint zu engem Undrang bei den Hausdoktere féieren, mengt den Dr. Jean-Paul Schwartz vum Cercle des Médecins Généralistes.

Marlène Clement / cbi

Waardezëmmer
Symbolbild. Foto: Bigstock / Chinnapong

Lauschteren


Wa Covid-Patient:innen no véier Deeg Isolatioun nach weider Symptomer hunn an nach net kënne schaffe goen, solle se Kontakt mat sengem Hausdokter ophuelen fir de Krankeschäin verlängeren ze loossen. Dat awer am beschten nëmmen iwwer Téléconsultatioun.

Eng Consultatioun an der Praxis wier och no véier Deeg Isolatioun net méiglech, well een net wéisst, wéi ustiechend eng Persoun dee Moment nach wier, erkläert den Dr. Jean-Paul Schwartz. Verschidde Patient:inne géifen d'Covid-Infektioun nämlech "ganz schlecht" verdroen.

Et wier een deemno op eng Téléconsultatioun ugewisen. Wann d'Patient:innen zwee Deeg hannereneen een negative Schnelltest hunn, kéinte se an d'Praxis kommen a se géifen och ënnersicht ginn. Wann et misst sinn, géife se dann och krankgeschriwwe ginn.

D'Mask weider undoen

Dee ganzen Oflaf wier awer zäitopwänneg, betount den Dr. Jean-Paul Schwartz. Datt de Krankeschäin da vum Hausdokter iwwer déi véier Deeg eraus verlängert gëtt, setzt och e puer Konditioune viraus:

"Éischtens e positiven Test, ee PCR-Test wa méiglech, dee mussen se eis da mailen, [...] dat ass mol d'Basis vun der Verlängerung. An dann d'Beschreiwung vun de Symptomer, déi mir da musse beurteelen. Ech mengen en dréchenen Houscht an e negative Covid-Test, dofir muss een net doheem bleiwen,da kann een e Sirop huelen an da geet ee schaffen."

Den Dr. Jean-Paul Schwartz recommandéiert iwwerdeems wärend zéng Deeg no engem éischte positiven Test oder éischte Symptomer d'Mask ze droen. Dat wier zwar fräiwëlleg, géif awer a gewëssen Direkten drastoen.

Weider appelléiert hien un d'Solidaritéit vun de Leit fir d'Infektiounschaîne ze ënnerbriechen andeems si selwer op sech an anerer oppassen.

Méi zum Thema

Dr. Jean-Claude Schmit
Neit Covid-Gesetz

En Donneschdeg huet de Conseil de Gouvernement Ännerunge vun den aktuelle Covid-Mesuren am neie Gesetzesprojet zeréckbehalen. De Santésdirekter Jean-Claude Schmit erkläert, firwat déi Ännerunge geplangt sinn.

Net verpassen

  • Offre d'emploi: Redakter/Redactrice Web

    radio 100,7

    Den Média de service public 100,7, deen de radio 100,7 bedreift, sicht en/eng neie/nei Redakter/Redactrice fir d'Onlineredaktioun mat engem Aarbechtskontrakt op onbestëmmten Dauer (CDI) fir 40 Stonnen d'Woch.

Programm

Dossieren

  • Chamberwalen 2023

    Am November gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

  • Hëtzt & Dréchent

    2022 ass bis elo vun héijen Temperaturen an extreemer Dréchent markéiert. Wéi eng Impakter huet dat op Mënsch an Ëmwelt?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen