Regierungsrot Méi Schnelltester an der Schoul

An de Schoule gëtt de Rhytmus vun de Schnelltester eropgesat. Dat gouf haut am Regierungsrot decidéiert ginn, sot eis den Educatiounsminister Claude Meisch. D'Regierung reagéiert domat op d'Hausse vun den Infektiounszuelen an de Schoulen, dat besonnesch am Fondamental, wou ee lo déi selwecht Inzidenz erreecht hätt wei virun engem Joer.

Isabel Scott / tt

Claude Meisch

Am Fondamental ginn dofir elo d'Kanner dräi Mol amplaz zwee Mol an der Woch getest. Am Fall wou et e positive Fall an enger Klass gëtt, ginn d'Schüler all Dag getest.

Generell Maskeflicht an der Schoul net noutwenneg

Mat dëser Mesure wéilt ee probéieren d'Inzidenz niddereg ze halen. Eng generell Maskeflicht an de Schoule wier awer weider net noutwenneg, seet de Claude Meisch:

"Ab engem éischte Fall an enger Klass ass och wärend enger Woch laang Maskeflicht. Dat reegelt sech eigentlech vum selwen. Do wou manner Covid ass, ass manner Mask an do wou méi Covid ass, ass d'Mask méi present. Mir gesinn do net e Grond fir jidderengem d'Mask permanent unzedinn."

Den Educatiounsminister reagéiert och op d'Kritik, datt et un Transparenz feelt.

Weiderhin kee separate Covid-Bilan

E separate Bilan iwwer d'Covid-Situatioun an de Schoulen gëtt weider ausgeschloss. Dat wier dem Claude Meisch no net néideg, well d'Neiinfektiounen am wöchentleche Bilan vun der Santé no Alterskategorie opgeschlësselt wieren. Säi Ministère géif d'Kommunikatioun mat der Schoulgemeinschaft assuréieren:

"Scho beim éischte Schnelltest, dee positiv ass, gëtt déi ganz Klass informéiert, ginn d'Eltere vun den anere Schüler informéiert wat dat fir si bedeit. Wa weider Fäll dobäikommen, och wat dat bedeit. Mir sinn do am permanenten Austausch virun allem a Richtung vun den Elteren. Mir denken awer, datt et hei ëm Gesondheetsstatistike geet, dat do éischter de Gesondheetsministère dat mat a seng Kommunikatioun sollt huelen."

Den Ament leeft d'Iwwerleeung fir eventuell e Covid-Bilan vum gesamten Trimester ze zéien. Dee géif d'Educatioun no der Chrëschtvakanz publizéieren, esou nach de Claude Meisch.

Méi zum Thema

Minute de Silence um Kierchbierg #yeswecare
Gesondheetssecteur

Mat der Aktioun "Impfe Wierkt!" wéilt d'Spidolspersonal uechtert d'Land weisen, datt déi sanitär Mesuren a besonnesch d'Impfung deen eenzege Moyen wier fir d'Pandemie an de Grëff ze kréien.

Net verpassen

Programm

Dossieren

  • Buchkriticken

    D'Kulturredaktioun vum radio 100,7 presentéiert Rezensioune vu Lëtzebuerger an internationale Bicher.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen