Rosen a schockéiert reagéiert de Lëtzebuerger Europadeputéierte Marc Angel op de Korruptiounsskandal am Europaparlament.
Déi griichesch Deputéiert Eva Kaili war virun e puer Deeg festgeholl ginn, zesumme mat dräi anere Persounen. Si stinn am Verdacht Sue vum Katar ugeholl ze hu fir Decisiounen ze beaflossen.
Transparent a konsequent d'Evenementer opklären
Bis elo ass just déi sozialistesch Fraktioun am Europaparlament betraff: De Marc Angel seet, hie wier iwwerrascht vun deenen Entwécklungen.
Seng Fraktioun misst elo "transparent a konsequent sinn", an alles maache fir déi Evenementer opzeklären. D'EU-Kommissiounspresident Ursula von der Leyen huet vu ganz grave Reprochë geschwat.
