EUROPA-INTERVIEW Manfred Weber: Quotesystem ass net méi realistesch

Wéi eng Ausweeër proposéiert d'EU am Klimaschutz, an der Diskussioun ronderëm d'Migratioun oder an der Corona-Pandemie? Mir hu virun der Ried zur Lag vun der Unioun mam Manfred Weber, dem Chef vun der Fraktioun vun der Europäescher Vollekspartei am Europaparlament geschwat.

Danièle Weber (Bréissel) / cbi

Manfred Weber
De Manfred Weber ass Fraktiounschef vun der EVP am Europaparlament. Foto: Archiv

An der éischter Phas vun der Pandemie war Europa gespléckt, et hu sech vill national Egoisme gewisen, seet de Manfred Weber, Chef vun der Europäescher Vollekspartei. Mam Accord iwwer ee Fonds de Relance wier am Juli d'Solidaritéit awer nees um Rendezvous gewiescht. D'Gesondheetspolitik misst méi eng grouss Roll an der EU an Zukunft spillen.

Klimaschutz: 55 Prozent Reduktioun ass ambitionéiert

Seng EVP stéing net op der Brems am Klimaschutz, och wann een d'Reduktiounszil vu 60 Prozent manner CO2-Emissioune bis 2030 net matdroe géif. Et misst een zesumme mat der Wirtschaft schaffen an der Industrie Zäit loossen, do wier een Zil vu 55 Prozent ambitionéiert genuch.

Wat d'Migratioun an d'Situatioun op der Insel Lesbos a Griichenland ugeet, weist den CSU-Politiker drop hin, datt d'Zuel vun der Flüchtlingen op der Insel an de leschte Joren ëmmerhi scho vu 25.000 op 12.000 erofgesat gouf. D'Ëmverdeele vu Flüchtlingen an der EU wier ee "politesch ganz schwiereg Sujet" an "eng vun den oppene Wonne vun der EU".

Migratioun: Grenze protegéiere gehéiert dozou

Den CSU-Politiker hofft op d'Propose vun der Europäescher Kommissioun fir d'Reform vum europäeschen Asylsystem, déi soll den 23. Oktober um Dësch leien. Allerdéngs wier et net realistesch, datt d'Kommissioun un der Iddi vun engem verbindleche Quotesystem festhält.

"Allerdings darf sich auch kein Staat in Europa komplett verweigern und sagen, mich geht das Thema gar nichts an. Es ist jetzt unsere Aufgabe, eine Mischung zu finden: Einerseits keine Quote, aber andererseits muss jeder seinen Beitrag leisten. Und ich bleib dabei: Das gehört zusammengedacht mit der Grenzsicherung. Auch da muss Europa Klartext reden."

Wat de weideren Ëmgang mat der ungarescher Regierungspartei Fidesz an der EVP ugeet, wollt de Manfred Weber sech net festleeën. Et géif nach am Hierscht eng Decisioun geholl ginn, sou den EVP-Chef.


An Zesummenaarbecht mat Euranet Plus, dem gréissten europäesche Radio-Reseau fir EU-Aktualitéit.

An der Mediathéik:

Europa Aktuell / / Danièle Weber
Lauschteren

Méi zum Thema

Věra Jourová
Etat de droit

Pole verstéisst wéinst verschiddene Gesetzer an dem Ausruffe vun LGBTI-fräien Zone géint fundamental EU-Rechter. Du där Conclusioun kënnt e Rapport vum EU-Parlament. Méi konkret Mesurë gi verlaangt.

Anamajira Tunjic
Mënscherechter

D'CCDH kritiséiert d'Zesummesetzung vun engem Gremium, dee beurteele soll, ob onbegleete mannerjäreg Flüchtlingen, déi de Statut vum Demandeur de protection internationale awer net kruten, dierfen zu Lëtzebuerg bleiwen.

Programm

  • Mat Groove a Séil

  • On air

    Notturno

  • Vu 6 bis 10

  • Vun 10 bis 2

  • Vun 10 bis 2

Net verpassen

  • De radio 100,7 sicht Redakteren/Animateuren

    radio 100,7

    De radio 100,7 sicht fir seng Magasinn-Redaktioun 1 Redakter/Animateur (m/w) 20 St/W (CDD 1 Joer)
    an 1 Redakter/Animateur (m/w) 40 St/W (CDI) fir direkt ze engagéieren.

Dossieren

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen