Logement LISER: De Bauperimeter vergréisseren ass net d'Léisung

Et feelt net u Bauland zu Lëtzebuerg, et feelt just un der Bereetschaft vun de Proprietäre fir hir Terrainen an d'Vente ze ginn a bebauen ze loossen. Zu där Conclusioun kënnt de Fuerschungs-Institut LISER an enger neier Etüd.

Maurice Molitor (Interview) / Claude Biver (Web)

Antoine Paccoud
Den Antoine Paccoud ass Geograph a fuerscht beim LISER

De Resumé lauschteren


2.000 Hektar Terrain sinn als Bauland ausgewisen hei am Land. Fir se all ze bebauen, bräicht een zéng Joer: et ass also net do, wou de Schong dréckt.

An dofir géif et och näischt bréngen de Bauperimeter nach ze erweideren, dat wier eng "fausse bonne idée" seet den Antoine Paccoud:

"Je pense qu'à chaque fois qu'on agrandit le périmètre on ne fait que créer de nouveaux multimillionnaires qui, comme ceux qui sont déjà dans le périmètre, n'ont pas nécessairement de raison à vendre."

Et gëtt keng Strof fir zeréckgehalen Terrainen

De Problem wier, datt Proprietären net penaliséiert ginn, wa se hir Terrainen zeréckhalen. Et gëtt fir si haut keen objektive Grond ze verkafen, wann een net wëllt oder muss.

Mat Instrumenter wéi Grond-, Verméigens- oder Ierfschaftssteier kéint een dat sécher änneren, seet de Fuerscher vum LISER. Dee fiskalen Drock wier och berechtegt: et géif nämlech Leit treffen, déi vun der Gemeng, duerch de Plan d'aménagement, eng aussergewéinlech Plus-value op hiren Terraine kréichen. Dat wier e Kaddo vun der Kollektivitéit, mengt den Antoine Paccoud.

De Fuerscher vum LISER seet awer och, d'ëffentlech Hand wier nach op eng aner Manéier gefuerdert:

"Ce qui manque vraiment, c'est une discussion approfondie avec des propriétaires fonciers pour essayer de comprendre aussi leurs motivations pourquoi ils ne vendent pas, et d'essayer de réfléchir avec eux sur comment on pourrait mobiliser plus facilement des terrains."

Am Hierscht wëllt de LISER eng weider Etüd publizéieren, déi dann och d'Nimm vun de Gesellschaften nenne wäert, déi Proprietär vu grousse Bauland-Fläche sinn.

An der Mediathéik:

Invité vum Dag / / Maurice Molitor
Lauschteren

Méi zum Thema

Illustratioun Logement
Gläichheet a Logement

De Besëtz vu Grond a Buedem ass zu Lëtzebuerg ganz ongläich verdeelt. De Stephan Polet huet sech mam Sozial-Geograph Antoine Paccoud geschwat, dee sech mam Patrimoine foncier auserneesetzt.

D'Sam Tanson an de Julie Licheron
Logement

D'Terrainen, déi am Bauperimeter leien, gehéiere gréisstendeels Privatpersounen. D'Logementsministesch, grad wéi déi zoustänneg Chamberkommissioun, wëllen d'Bauland mobiliséieren.

Net verpassen

  • Offre d'emploi: Programmchef/fin

    radio 100,7

    Den Etablissement de Radiodiffusion Socioculturelle, deen de radio 100,7 bedreift, sicht en/eng neie/nei Programmchef/fin mat engem Aarbechtsvertrag op onbestëmmten Dauer (CDI) fir 40 Stonnen d'Woch.

Programm

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen