Koalitiounsverhandlungen: DP, LSAP an déi Gréng si sech Eens iwwert Edukatioun

DP, LSAP an déi Gréng si sech gëschter am Koalitiouns-Aarbechtsgrupp “Educatioun” eens ginn. Dat krute mer op Nofro bei der DP an der LSAP gesot. Den 100,7 hat gëschter gemellt, datt d’DP gefuerdert hat fir de Gesetzesprojet iwwert d’Lycéesreform zréck ze zéien. Déi Fuerderung ass vum Dësch. Den Text bleift also an der Prozedur, a gëtt mat Amendementer iwwerschafft. Eisen Informatiounen no, gëtt et och e Kompromëss beim Schouldirekter an der Grondschoul: dee soll net als neie Posten agefouert ginn, mä de partizipative Modell mat de Schoulcomitée soll bestoen bleiwen. D’Kompetenze vum Schoulpresident sollen awer erweidert ginn. Op e geneeë Profil vun der neier Schoulleedung gouf sech net festgeluecht. DP an déi Gréng haten alle béid an hire Walprogrammer e Schouldirekter gefuerdert, d’LSAP war dogéint. Den Aarbechtsgrupp “Educatioun” kënnt nach emol de Freideg an en Dënschdeg zesummen fir en definitiven Text ze finaliséieren.

Net verpassen

Programm

Dossieren

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen