Klimapolitik: Regierung setzt weider op Kompensatiounsmesüren
Trotz engem negative Rapport; vun der Cour des Comptes plangt d’Regierung bis op weideres keng gréisser Changementer an der Klimapolitik. Well strukturell Changementer an den CO2-intensive Beräicher Transport an Energie réischt mëttel- bis laangfristeg z’erwaarde sinn, wier ee weiderhin op den Akaf vun CO2-Emmissiounsrechter ugewisen, sou de Staatssekretär am Nohaltegkeetsministère Camille Gira (déi Gréng) am 100,7-Interview. De Choix vu Klimaschutzprojeten am Ausland soll awer vun 2015 un vum Cooperatiounsministère begleet ginn: dat fir eng besser Kohärenz mat der Lëtzebuerger Entwécklungspolitik ze garantéieren:
D’Cour des Comptes hat och déi national Klimapolitik kritiséiert, well déi sëllech Subventiounen net u konkret CO2-Reduktiounszieler gebonnen sinn. Däer Kritik wier d’Regierung schon deels gerecht ginn ier de Rapport firlouch, sou de Camille Gira: mat der Decisioun vum nächste Joer un de Kaaf vun méi ëmweltfrëndleche Autoen net méi finanziell z’ënnerstëtzen.
Weider Aussoen vum Camille Gira iwwert de Klimaschutz hei am Land:
Deen am Koalitiounsaccord annoncéierte Projet vun enger Klimabank soll am Logementsministère preparéiert ginn, sou de Camille Gira:
D'Regierung wëll d'Subventiounen am Ëmweltberäich méi kohärent maachen: de Staat soll net gläichzäiteg klimaschounend an an klimaschiedlech Aktivitéiten finanzéieren, sou de Staatssekretär am Nohaltegkeetsministère. Eng ecologesch Steierreform ass - wéi och am Koalitiounsaccord - net firgesinn:
Wéivill manner klimaschiedlech Gasen Lëtzebuerg bis Enn vun der Legislaturperiod emettéiert, dozou wollt de Camille Gira keng genee Ausso maachen:
