Keng obligatoresch Declaratioun iwwert d’Niewen-Verdéngschter vun de Volleksvertrieder am Deontologie-Codex
Den zukünftegen Deontologie-Codex fir Deputéierte gesäit keng obligatoresch Declaratioun iwwert d’Niewen-Verdéngschter vun de Volleksvertrieder vir. Dat géing an engem klenge Land wéi Lëtzebuerg zu ze vill Virwëtz féieren. Dat sot eis gëschter de President vun der Chamber-Kommissioun “Institutiounen a Verfassung’s-Revisioun, de LSAP-Fraktioun’s-Chef, Alex Bodry. D’Aarbechten um Code de Deontologie sinn ofgeschloss an de Projet de Loi kéint nach virun der Summer-Paus gestëmmt ginn. Duerch dee proposéierte Codex sollen d’Volleksvertrieder an Zukunft Hëllef kréien, wann se an eng Situatioun vun Interessen-Konflikter kommen. Zum Beispill d’Unhuele vu Cadeauen, souwéi den Afloss vu Lobby-Gruppe sollen duerch de neie Code de Deontologie kloer reglementéiert ginn. Bei Onkloerheet kënnen d’Députéiert eng consultativ Kommissioun mat Experte consultéieren.
De ganzen Interview vum Simon Larosche mam Alex Bodry:
