Bundestagswalen Jamaika- oder Ampelkoalitioun?

Jamaika oder Ampel: Wéi eng Koalitiounsoptioun ass an Däitschland déi méi warscheinlech? De Professer Uwe Jun, Politikwëssenschaftler vun der Uni Tréier, wëllt sech net festleeën: hien hält béid Optioune fir méiglech.

Maurice Molitor (Interview) / Claude Biver (Web)

Prof Uwe Jun
De Professer Uwe Jun ass Politikwëssenschaftler op der Uni Tréier. Foto:picture alliance / dpa | Birgit Reichert (Archiv)

Datt elo emol fir d'éischt FDP a Gréng matenee schwätze wëllen, wier eng "charmant" Iddi. Et sollt een awer déi inhaltlech Differenzen tëscht béide Parteien net ënnerschätzen, sou de Professer Jun: "Die sind schon erheblich und gravierend".

Däitlech Ënnerscheeder tëschent FDP a Gréng

Déi Gréng wéilten däitlech Steiererhéijungen an d'Opweeche vun der Schuldenbremse. D'FDP wéilt dat awer op guer kee Fall, de Cjristian Lindner hätt sech gëschter Owend nach eng Kéier däitlech géint béides ausgeschwat.

Den Uwe Jun ënnersträicht datt d'Virstellunge vu Bündnis90/Die Grünen alleguer "nicht gerade günstig" wieren, wat de Staatsbudget betrëfft.

"Klimaschutz wird teuer, und auf der anderen Seite eben auch das was die Grünen an Sozialversprechen abgegeben haben. Ob das dann am Ende mit der FDP überein kommt, wird man sehen."

D'FDP wier iwwerdeems och kritesch, wat national Elenggäng bei der Klimaschutzpolitik betrëfft - si géifen éischter op de Marché an international Léisunge setzen. Hei misst ee kucken, wéi ee béid Positioune méi no beienee brénge kann.

Regierungsbildung brauch Zäit

Dës Differenzen ze iwwerbrécken, an duerno och nach en Accord mat SPD oder CDU iwwer e Regierungsprogramm ze fannen, géif op jiddwer Fall Zäit brauchen, mengt de Politikwëssenschaftler. Hie geet dovunner aus, datt viru Chrëschtdag net mat enger endgülteger Entscheedung an enger Regierungsbildung ze rechnen ass.

De Professer Uwe Jun ka sech net virstellen, datt et an der CDU Stréimunge gëtt, déi probéiere kéinten, den Armin Laschet nach vu sengem Usproch op d'Kanzleramt ofzebréngen. D'Selbstverständnis vun der Unioun als Regierungspartei wier dofir ze déif an hire Gene verwuerzelt.

An der Mediathéik:

Invité vum Dag / / Maurice Molitor
Lauschteren

Méi zum Thema

Armin Laschet Kommentar
Däitschland

En historesch schlecht Walresultat, net méi stäerkste politesch Kraaft am Land: fir d'Unioun war d'Bundestagswal en Desaster. Den Armin Laschet wëllt trotzdeem Kanzler ginn. Wéi passt dat zesummen?

Berliner Runde
Däitschland

No der Wal an Däitschland koumen gëschter Owend d'Parteispëtzten zesummen, fir d'Resultater anzeuerdnen. Zwou Parteien hunn d'Rudder an der Hand: wie maachen déi Gréng an d'FDP zum Kanzler?

Olaf Scholz
Bundestagswahl

D'SPD ass nees do a revendiquéiert d'Kanzleramt zu Berlin fir sech. Ier den Olaf Scholz awer Kanzler gëtt, muss hien zwou aner Parteien iwwerzeegen. d'Bündnis90/Die Grünen an d'FDP.

 

Programm

  • Panorama

  • On air

    Iwwer Mëtteg vun 11 bis 2

  • Noriichten

  • Resonanzen

  • Am Nomëtteg vun 3 bis 6

Dossieren

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen