Interview mam Greenpeace-Direkter Kumi Naidoo

Greenpeace ass virun der Protest-Aktioun am September géint eng Buerinsel vu Gazprom an der Arktis, net direkt viru Konsequenze gewarnt ginn. Dat sot den Direkter vu Greenpeace international am 100,7-Interview. De Kumi Naidoo war selwer 2012 schonn un enger éischter Demo-Aktioun géint déi selwecht Buerinsel bedeelegt. Datt d’Ëmweltorganisatioun 2013 mat enger zweeter Aktioun (a Risiken fir hier Aktivisten) d’Opmierksamkeet vun der Ëffentlechkeet wollt erbäizwéngen, huet den Direkter vu Greenpeace international ofgestridden. D’Aktioun am September, bei där 30 Greenpeace-Aktivisten vum “Arctic Sunrise” duerch d’russesch Autoritéiten festgeholl goufen, wier keng "PR-Aktioun" gewiescht, esou de Kumi Naidoo:

[audio mp3="http://www.100komma7.lu/emissions/wp-content/uploads/Naidoo-Kuerz.mp3"]

 

De Kumi Naidoo sot sech frou, datt dee läschte vun den 30 Aktivisten, déi festgeholl gi waren, d’läscht Woch begnodegt goufen an elo doheem sinn. Den Direkter vu Greenpeace International huet awer wéi gesot insistéiert, datt d’Ëmweltorganisatioun sech näischt virzewerfen hätt. Greenpeace wëll weider géint d’Bueren an der Arktis virgoen. Donieft wëll d’Organisatioun hiert Schëff “Arctic Sunrise” vun de russeschen Autoritéiten zeréckkréien.

De ganzen Interview vum François Aulner mam Kumi Naidoo (op Englesch):

[audio mp3="http://www.100komma7.lu/emissions/wp-content/uploads/Naidoo-laang.mp3"]

Net verpassen

  • 03.10. RadiOdyssee

    RadiOdyssee_Visuell_Sendung_NewSize.jpg

    Erzielkonscht, an där Erzieltraditiounen an där hir Figuren nees lieweg ginn.

Programm

Dossieren

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

  • Olympesch Spiller 2021

    D'Olympesch Spiller fannen, mat engem Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen