Franséisch-sproochege Radio: keng Gefor fir Vilfalt vun der Medie-Landschaft

Duerch de geplangten neie franséisch-sproochege Radios-Sender - eng Joint-venture vun RTL Lëtzebuerg an dem Lëtzebuerger Wort - geréit d’Vilfalt an der Medie-Landschaft net a Gefor: dat huet de Generaldirekter  vum Grupp Saint-Paul Paul PECKELS haut am 100,7-Interview erklärt.

Gëschter war jo bekannt ginn, datt Ufank Februar 2014 een neie Radios-Sender a virun allem franséischer Sproch soll lancéiert ginn, a Collaboratioun mat RTL2 aus Frankräich.

Dëse Radios-Sender wäert déi dräi aktuell Radios-Frequenze vum DNR benotzen. Explikatioune vum Paul PECKELS zu de néidegen Autorisatiounen...

 

Souwäit de Paul PECKELS, zënter Mëtt September neie Generaldirekter vum Grupp Saint-Paul.

Fir déi véier Leit Personal, déi de Moment nach beim Radio-Sender DNR agestallt sinn, wier eng intern Léisung fonnt ginn. De ganze Grupp Saint-Paul beschäftegt aktuell nach knapp iwwer 400 Leit an de verschiddenen Aktivitéiten: wou ee mat der Ëmsetzung vum Sozialplang bei Saint-Paul drun ass, wollt de Paul PECKELS iwwregens net präziséieren.

Net verpassen

Dossieren

  • Buchkriticken

    D'Kulturredaktioun vum radio 100,7 presentéiert Rezensioune vu Lëtzebuerger an internationale Bicher.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen