Gesondheetssecteur FHL: "Schonn e politeschen Arbitrage gefuerdert"

D'Spidolsfederatioun géif sech klengen, dezentrale Strukturen net grondsätzlech verschléissen, esou hiren neie President, den Dr. Philippe Turk - soulaang se derzou bäidroen, déi medezinesch Versuergung ze verbesseren.

Maurice Molitor (Interview) / Tessy Troes (Web)

Dr. Philippe Turk
Den Dr. Philippe Turk ass President vun der Spidolsfederatioun FHL.

Kleng, dezentral Strukturen, an deene medezinesch Actë gemaach ginn, fir déi de Patient bis elo huet missen an e grousst Spidol goen, wiere fir d'Fédération des Hôpitaux net grondsätzlech tabu. Hiren neie President, den Dokter Philippe Turk ënnersträicht, datt d'FHL sech neien Optiounen net grondsätzlech géif verschléissen - soulaang se derzou bäidroen, déi medezinesch Versuergung ze verbesseren - an och nëmmen dann.

Keng Zwou-Klasse-Medezin schafen

D'Doktesch-Associatioun AMMD mécht sech jo staark dofir, datt där Strukture kënnen opgebaut a vun Doktesch-Gesellschafte bedriwwe ginn. Och d'Hôpitaux Schuman hu mat engem Projet zu Jonglënster ganz konkret Ideeën an deem Kontext.

D'FHL hofft awer, datt déi Pläng net de solidaresche Finanzement vum Lëtzebuerger Gesondheetssystem a Fro stellen, esou den Dr. Philippe Turk, deen den 1. Juli d'Successioun vum Paul Junck bei der Spidolsfederation FHL iwwerholl huet:

"Mir wëllen och, wéi mer ëmmer soen, keng Zwou-Klasse-Medezin. Mer wëllen och keng Zwou-Klassen-Dokteren, wa Gesellschaften entstinn. Ech menge mir hu villes ze verléiere wann do wierklech un de Grondreegele géif gefréckelt ginn."

Nei Strukturen dierften och net d'Efforte vun de leschten 30 Joer a Fro stellen, fir d'Spidolslandschaft ronderëm déi véier grouss Bléck HRS, CHL, CHEM a CHdN ze organiséieren, esou nach den Dr. Philippe Turk:

"Wann d'AMMD vun extra-hospitalier schwätzt, schwätze se vu Saachen, déi aus dem Spidol sollen erausgeholl ginn. Mir hunn awer elo just konzentréiert, centripetal geschafft. Solle mer elo erëm méi erausgoen? An do ass dann d'Fro: fir wien ass dat gutt? Ass et am Sënn vun Accès aux soins fir de Patient, wat fir eis déi fundamental Fro ass? Oder geet hei éischter drëm, en Accès fir d'Dokteren ze schafen, fir datt si am Extra-hospitalier kënnen eng Aktivitéit starten. Do ass schonn e politeschen Arbitrage gefuerdert."

An der Mediathéik:

Invité vum Dag / / Maurice Molitor
Lauschteren

Méi zum Thema

Gesondheetsdësch mat Paulette Lenert, Romain Nati, Alain Schmit
Gesondheetspolitik

Et gëtt Reformbedarf am Gesondheetswiesen, soen den Alain Schmit (AMMD) an de Romain Nati (FHL). D'Santésministerin Paulette Lenert versprécht Léisungen, dorënner ee legale Kader fir den Extrahospitalier.

Tiers payant
Gesondheet

D'Gesondheetskeess huet eng Konventioun mat den Dokteschassociatiounen ënnerschreiwen fir den digitalen Echange vun Informatiounen, deen de Wee fräi mécht fir e méi séiere Remboursement vum Patient. D'Patientevertriedung bleift skeptesch.

Maison medicale
Changementer

D'Maisons médicalen wieren "absolut net méi adaptéiert". Dat hätt sech ëmsou méi mat der Pandemie bemierkbar gemaach, esou den Direkter adjoint vun der Santé. Am September soll een an déi éischt nei Gebaier plënneren.

spidol klinik infirmière
Gesondheetssecteur

70 zousätzlech Vollzäitplaze sinn néideg fir d'Aarbecht an de Spideeler elo mol oprecht ze erhalen. Dat seet d'Spidolsfederatioun, déi den Ament mam Gesondheetsministère an der CNS doriwwer verhandelt.

 

Net verpassen

  • Mam 100,7-Mikro ënnerwee

    Max Feyder

    Eise jonke Freelancer Max Feyder aka Skibi ass an den nächste Woche mam 100,7-Mikro ënnerwee, fir an der Strooss Stëmmungsbiller anzefänken an d'Leit no hirer Meenung zu bestëmmten Theemen ze froen.

Programm

Dossieren

  • Olympesch Spiller 2021

    D'Olympesch Spiller fannen, mat enger Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen