Europapolitik

D’Zäite vum generellen Europa-Enthusiasmus schénge bis op weideres eriwwer ze sinn: déi Impressioun kritt ee wann een duerch d’Wahlprogrammer bliedert an d’Wahlkampfdebatte suivéiert: wou et mam europäeschen Integratiounsprojet genau soll higoen, dozou wëll keng Partei konkret Aussoen maachen. Mee carrément europaskeptesch Stëmme ginn et zu Lëtzebuerg, am Géigendeel zum Ausland, keng.

Dem pro-europäesche Ruff vum Land huet d’CSV-LSAP-Regierung an de leschte Joere geschuet, sou d’Aschätzung vum Tonia Koch vum Deutschlandfunk an eiser Analys. Besonnesch beim Bankgeheimnis hätt een ze laang blockéiert.

Fir an Zukunft iwwert EU-Initiativen a Saache Finanztransaktiounssteier a Steierharmoniséierung e méi sachlechen Debat kënnen ze féieren, muss d’Regierung di néideg Chiffre public maachen, sou d’Fuerderung vum Claude Meisch, DP-Spëtzekandidat am Süden. Iwwerdeems schéngt kloer, dass d’Chamber sech hiert Matsproocherecht muss erkämpfen: d’Budgetsprozedur beispillsweis gouf awer nach ëmmer net un de Kalenner vum europäesche Semester ugepasst.

Brenzelech Dossier’en, fir déi eng nächst Regierung sech elo e Verhandlungsmandat vum Bierger kéint froen, sin d’Steieroptiméierung, d’Bankenunioun an d’Rettungspläng fir Eurokriselänner, sou d’Analyse vum Michel Delage. Den 100,7-Journalist war den Invité beim Pia Oppel am Studio.

Net verpassen

Dossieren

  • Chamberwalen 2023

    Am November gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

  • Hëtzt & Dréchent

    2022 ass bis elo vun héijen Temperaturen an extreemer Dréchent markéiert. Wéi eng Impakter huet dat op Mënsch an Ëmwelt?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen