Eurodad-Rapport iwwert Steier-Transparenz

Lëtzebuerg fänkt sou lues un sech dem Problem vun der Steierflucht a vum Manktem un Transparenz bewosst ze ginn. Dat geet aus engem neie Rapport vun EURODAD ervir, enger internationaler Plattforme vun ONG’en. Begréisst gëtt, datt d’lëtzebuerger Regierung annoncéiert huet op de Wee vum automateschen Informatiounsaustausch ze goen an de Grand-Duché an Entwécklungslänner de Steierverwaltungen Hëllef ubitt.

Op der anerer Säit wieren zu Lëtzebuerg d’Konten vu multinationale Corporatiounen nach net transparent genuch, virun allem wat d’Fro ugeet wien vu Beneficer profitéiert, esou de Rapport vun EURODAD.

Bedauert gëtt dann och, am Virfeld vum EU Sommet zu Bréissel muer, datt d’lëtzebuerger Regierung eng Erweiderung vun der Zënsbesteierungsdirektive weider blockéiert. D’Fuerderung vun der lëtzebuerger Regierung, datt déi selwecht Reegelen iwwerall musse gëllen, well soss d’Finanzaktivitéiten riskéieren ze delokaliséieren, kann een awer verstoen, esou d’Tove Maria Ryding, Steier-Expert bei EURODAD.

[audio mp3="http://www.100komma7.lu/emissions/wp-content/uploads/FA-CUT-ZENS.mp3"]

 

Sou wäit d’Tove Maria Ryding, Steier-Expert bei EURODAD, eng international Plattforme vun ONG’en.

De ganzen Interview vum François Aulner mam Tove Maria Ryding (op Englesch):

[audio mp3="http://www.100komma7.lu/emissions/wp-content/uploads/ITV-Blog.mp3"]

Net verpassen

  • 03.10. RadiOdyssee

    RadiOdyssee_Visuell_Sendung_NewSize.jpg

    Erzielkonscht, an där Erzieltraditiounen an där hir Figuren nees lieweg ginn.

Programm

Dossieren

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

  • Olympesch Spiller 2021

    D'Olympesch Spiller fannen, mat engem Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen