EU-Geriichtshaff verwerft Klo vu Groussbritannie géint Finanz-Transaktiouns-Steier
Den europäesche Geriichts-Haff huet de Moien de Recours vu Groussbritannien verworf, géint déi verstäerkt Kooperatioun vun 11 EU-Member-Staaten, déi eng Finanz-Transaktiouns-Steier aféiere wëllen. D’Argumenter vu Groussbritannien fale flaach, well et den Ament nach kee rechts-kräftegen Text iwwert déi ëmstridden Transaktiouns-Steier gëtt, mee just eng Décisioun vum Conseil, déi di 11 EU-Länner autoriséiert an deem Beräich ze cooperéieren.
Eng nei Klo vu Groussbritannien virun der europäescher Justiz ass deemno méi wéi wahrscheinlech, soubal d’Directive iwwert déi ëmstridde Steier ugeholl gëtt. Den deemolege Finanzminister Luc Frieden hat am Mäerz 2012 ugekënnegt, dass och Lëtzebuerg offiziell géint d’Aféierung vun där Taxe ass, et sief dann se géing weltwäit agefouert ginn.
De Bäitrag vum Gil Goebbels:
