Etienne Schneider verdeedegt Spuer- a Steierpak
“Mir sinn iwwerzeegt vun eiser Aarbecht a mir sinn iwwerzeegt datt d’Leit eis a fënnef Joer Recht ginn, wann se gesi wat mer op d’Been gestallt hunn”. Esou verdeedegt den Etienne Schneider de Spuer- a Steierpak vun der blo-rout-grénger Regierung. A Riicht Eraus sot de sozialistesche Vize-Premier, hien hätt mat kritesche Reaktioune gerechent well d’Leit allergesch op Reforme wieren. Vill Kritike géifen op Mëssverständnesser baséieren. De Minister huet annoncéiert, datt d’Héicht vum Kannergeld all puer Joer kéint adaptéiert ginn. Äntwerten op d’Kritike vun de Gewerkschafte géifen et an der Steierreform ginn, déi 2017 a Kraaft triede soll. D’Décisioun iwwer d’Lancéiere vun engem Militär-Satellit zesumme mat SES soll d’nächst Woch am Regierungsrot falen, esou de Minister fir Economie, Defense a bannescht Sécherheet.
Déi ganz Emissioun, moderéiert vum Jean-Claude Franck:
