Iwwerschwemmungen Ëmweltministère verëffentlecht Risikokaarte fir Staarkreen

No de katastrophale Staarkreen-Evenementer 2016 an 2018 huet den Ëmweltministère elo Risikokaarten erstallt. D'Evenementer selwer kënnen zwar net virausgesot ginn, mat sougenannten Risikokaarten probéiert den Ëmweltministère elo awer op d'mannst déi Regiounen opzeweisen, an deenen d'Gefor vun esou Evenementer am Gréissten ass.

Jacques Ganser / cbi

Mëllerdall Schued u Wanderweeër
Bei Staarkreen goufe vill Wanderweeër am Mëllerdall beschiedegt. Foto: Archiv

D'Biller vun zerstéierten Haiser an Hotelle vun deemools sinn hänke bliwwen. D'Fro stoung séier am Raum, wéi sech esou Evenementer kënnt verhënnere loossen, erkläert d'Ëmweltministerin Carole Dieschbourg. Staarkreen géif ganz séier kommen a quasi ëmmer iwwerraschend. Dofir hätt een ugefaangen ze modelléiere fir ze wëssen, wou potentiell Gefore sinn.

Sougenannte Starkreenevenmenter mat Nidderschléi vu bis zu 100 Liter op de Metercarré bannent nëmmen zeg Minutten hunn eng enorm Kraaft a si kënne sou gutt wéi guer net virausgesot gi. Fir Christine Bastian, Hydrologin beim Waasserwirtschaftsamt, hätt och hei de Klimawandel seng Fanger am Spill:

"De Klimakontext ass eben deen, datt fir eis Géigenden déi Zenarien, déi Previsiounsmodeller fir de Klimawandel virausgesinn, datt d'Quantitéit u Nidderschlag dat ganzt Joer quasi konstant bleiwe wier, mee datt et méi am Wanter wäert reenen, a manner am Summer. Mee wann et am Summer reent, dann ebe méi hefteg, sou datt mer an Zukunft mussen dervunner aus goen, datt mer méi dacks Héichwaasser an der Suite vu staarkem Reen wäerten hunn."

Wou ass de Risiko besonnesch héich?

Fir trotzdeem preventiv kënnen aktiv ze gi an de Gemengen a Rettungsekippen Informatiounen ze liwweren, huet den Ëmweltministère zesumme mam Waasserwirtschaftsamt Date gesammelt, se modelléiert, a Karten erstallt.

D'Karten, déi um Geoportal fir jiddwereen zougänglech sinn, weisen a verschiddene Faarftéin, wou de Risiko vun esou Evenementer besonnesch grouss ass, a wéi e Schued u Betriber oder ëffentleche Gebaier kann entstoen.

De Gemengen Informatioune ginn

De Claude Meisch, Hydrolog beim Waasserwirtschaftsamt erkläert, datt ee proaktiv wësse wëllt, wou déi potentiell Gefor vum Nidderschlag ass, ier et geschitt. Et wéilt ee wëssen, wéi ee Wee d'Waasser sech siche géif, an datt een op dëse Plaze Mesurë kéint huelen. D'Geforekaarte sollen e Bewosstsinn schafen, een Deel vun der Strategie ass et deemno dem Grand public Informatioune bereet ze stellen.

D'Gemengen hätte laut Ëmweltministerin Carole Dieschbourg elo e wichtegt Instrument an der Hand, un hinnen ass et elo de Finetuning ze maachen a problematesch Punkte bei de Waasserleef oder der Infrastruktur ze identifizéieren an ze korrigéieren. Etüde fir Preventiounsprojete ginn dobäi iwwer de Fonds de la Gestion de l'eau finanzéiert.

An der Mediathéik:

Aktuelles / / Jacques Ganser
Lauschteren

Méi zum Thema

Cigalon
Mëllerdall

Vill Wanderweeër an der Regioun waren zerstéiert an Haiser iwwerschwemmt ginn. Ee Joer méi spéit schéngt een iwwer de Bierg ze sinn, et gëtt awer nach vill ze dinn. E Reportage vum Stephan Polet.

Mëllerdall Schued u Wanderweeër
De Stroossenzoustand no den Iwwerschwemmungen

D'Iwwerschwemmungen aus de leschte Wochen an Deeg hunn vill Schied u verschiddene Stroossen gemaach. Ponts et Chaussées hunn d'Analys vun der Situatioun gemaach a reparéieren. E Bilan!

Iwwerschwemmungen
Héichwaasser

Och vill kleng Mesurë kënnen dozou féieren, datt manner Schued duerch extrem Wiederphenomer entsteet, esou d'Waasserverwaltung. D'Donnerwiedere vum 1. Juni waren immens schwéier virauszegesinn.

Iwwerschwemmungen
Héichwaasser 1. Juni 2018

Wéinst dem ville Reen an der Nuecht vun Donneschdeg op e Freideg, virun allem am Mëllerdall, ass d'Krisen-Zell vum Haut Commissariat à la protection nationale aktivéiert ginn. Een Iwwerbléck, Hannergrondinformatiounen a Reaktiounen.

Programm

Net verpassen

Dossieren

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen