Stad Lëtzebuerg Stad Lëtzebuerg wëllt 2021 d'Investitiounen héich halen

D'Stad Lëtzebuerg gesäit an hirem Budget fir d'nächst Joer een Defizit vu 156 Milliounen Euro vir. D'Depensë vun der Stad Lëtzebuerg leie mat 1,44 Milliarden Euro fir d'éischte Kéier iwwer enger Milliard. D'Recettë fale wéinst der Covid-Pandemie op 888,6 Milliounen Euro. Et géif op d'mannst bis 2023 daueren, bis een erëm um Niveau wier vu virun der Kris, esou de Finanzcheffe vun der CSV, de Laurent Mosar.

Michèle Sinner / tt

Stad Lëtzebuerg hält Investititounen héich
Foto: picture alliance/dpa/Oliver Dietze

De Bäitrag vum Michèle Sinner lauschteren


D'DP-CSV-Koalitioun um Knuedler wëllt d'Investitiounen héich halen. Et kéint een net soen, datt d'Stad Lëtzebuerg mat engem Budget vu 414 Milliounen seng héich Ambitioune géif zeréckschrauwen, esou de Laurent Mosar. D'Recettë gi wéinst der Covid-19-Kris, wéi an anere Gemengen och, zeréck.

Fir 2021 muss d'Stad mat 21 Prozent manner Einnamen aus der kommunaler Gewerbesteier rechnen. D'Dotatioun aus dem Fong fir d'Gemenge géing wärenddeem 11,5 Prozent zeréck.

Déi Zuelen aus dem Inneministère géifen awer op engem optimisteschen Zenario berouen, wat d'Entwécklung vun der Pandemie an domat der Wirtschaft an de Steierrecetten ugeet, huet de Laurent Mosar gewarnt: "Mir mussen einfach dovun ausgoen, datt och déi Zuelen, déi mir vum Inneministère kritt hunn, sech net wäerten op deem Niveau realiséieren."

An deem optimisteschen Zenario géif een dovun ausgoe fréistens 2023 erëm op den Niveau vu virun der Corona-Kris ze kommen. De Finanzcheffe vun der Stad betount awer, datt déi allermeeschten Analysten deen Zenario fir éischter onwarscheinlech halen. Och déi nächst Majoritéit um Knuedler misst sech mat de finanzielle Suitte vun der Pandemie auserneesetzen.

Méi zum Thema

Yves Cruchten
Steierpolitik

Et gi vill Steieravantagë fir Immobilieninvestisseuren. Eleng wéinst dem "Taux d'amortissement accéléré" verzicht de Staat op ronn 50 Milliounen Euro d'Joer. Den Yves Cruchten (LSAP) gesäit dat kritesch.

LuxTram
Mobilitéit

2023 soll den Tram iwwer d'N3 bis op d'Cloche d'Or fueren. Dofir gëtt déi Strooss den Ament méi breet gemaach. Eng Erausfuerderung, well et do nach Geschäfter an industriell Aktivitéite gëtt.

 

Net verpassen

Dossieren

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen