No der Ried zur Lag vun der Natioun Detailer erwënscht

D'Patronat weist sech an enger éischter Reaktioun zefridde mat den Annoncë vum Premier gëschter Dënschdeg a senger Ried zur Lag vun der Natioun. D'Gewerkschafte bedaueren, datt eng ganz Partie Theemen net ugeschwat goufen. En Iwwerbléck.

Maxi Pesch / cz

Lëtzebuerger Fändel
Foto: Bigstock / larich

Fir d'OGBL-Presidentin hätt dem Premier seng Ried der Gravitéit vun der Situatioun net Rechnung gedroen. Et wier een net just an enger Covid-Kris, esou d'Nora Back. Iwwer d'Klimakris, d'Logementskris an iwwer d'Kris um Aarbechtsmaart wier net genuch gesot ginn, a bei verschiddenen Aspekter hätt ee kéinte méi an d'Déift goen, esou d'OGBL-Presidentin.

D'Stock Options ginn ofgeschaaft, oder?

Wat déi annoncéiert Prime participative ugeet, iwwer déi e Salarié, steierbegënschtegt, um Gewënn vun der Entreprise an där e schafft, ka bedeelegt ginn, misst ee sech der Nora Back no d'Fro stellen "ob dat dann net erëm eng verstoppte Manéier ass, vun där déi selwecht Leit profitéieren, déi virdru schonn d'Stock Options an de Betriber haten".

Ganz anescht gesäit dat d'Patronatssäit. Den Direkter vun der Chambre de Commerce fënnt dat eng interessant Mesure, déi nach am Detail muss analyséiert ginn. Et wier awer eng Mesure "déi zur Modernitéit an der Relatioun tëschent de Betriber an dem Salarié bäidréit".

Horesca a CGFP sinn zefridden

Souwuel de Carlo Thelen wéi och de President vun der Horesca François Koepp begréissen, datt Betriber aus staark betraffene Secteure solle weider vun Aidë profitéieren, eng nei Direkthëllef soll ageféiert ginn, an de Chomage partiel soll weider gëllen, esou de François Koepp.

"Elo wëssen d'Betriber u wat se sech kënnen halen, a wéi se dann hire Finanzplang fir d'nächst Joren opstellen", esou de President vun der Horesca. Virun allem d'Hotellen am Zentrum wiere staark vun der Kris betraff a géifen am meeschte vun den annoncéierten Hëllefe profitéieren.

Zefridde weist sech och d'CGFP., déi d'Fuederung vum Premier fir eng staark Fonction publique ënnerstëtzen. Mee souwuel d'Staatsbeamtegewerkschaft, wéi den OGBL an d'Patronat wënsche sech haut bei der Presentatioun vum Budget méi Detailer zu den Annoncen.

An der Mediathéik:

Aktuelles / / Maxi Pesch
Lauschteren

Méi zum Thema

Deputéiert an der Chamber wärend der Ried zur Lag vun der Natioun
Etat de la Nation

D'Oppositiounsparteien hunn dem Premier seng Ried gëschter wéi erwaart kritiséiert: an hiren Aen huet de Premier net genuch nei Akzenter gesat fir d'Land aus der Kris ze féieren.

Jean-Claude Franck Kommentar
Etat de la Nation

D'Regierung huet am Etat de la Nation ëm e Vertrauensvirschoss gefrot. Mee se muss sech bewosst sinn, datt se um Enn vum Dag muss liwweren, mengt de Jean-Claude Franck an engem Kommentar.

Xavier Bettel
Etat de la Nation

An senger Ried zur Lag vun der Natioun huet de Premier Xavier Bettel annoncéiert, datt d'Stock Options an d'FISe reforméiert ginn. Et solle keng nei Steieren kommen, déi net Deel vum Koalitiounsaccord vun 2018 sinn.

Programm

  • Vu 6 bis 10

  • On air

    Vun 10 bis 2

  • Resonanzen

  • Vun 3 bis 6

  • Tockcity

Net verpassen

  • Offre d'emploi: 1 responsable ressources humaines (m/f)

    HR Human Resources

    L'Etablissement de Radiodiffusion Socioculturelle recherche 1 responsable ressources humaines (m/f) sous contrat à durée déterminée en vue du remplacement d'un congé de maternité et d'un congé parental à temps plein.

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen