Schoulrentrée Déi sanitär Mesuren an de Schoule "musse flexibel bleiwen"

D'Regierung wëllt weiderhi flexibel mat de sanitäre Mesuren an de Schoulen ëmgoen. Dat betount den Educatiounsminister Claude Meisch haut um Dag vun der Rentrée am Fondamental.

Rick Mertens (Interview) / Claude Biver (Web)

Claude Meisch.jpg
De Claude Meisch ass Educatiounsminister fir d'DP

D'Coursë fänken ouni allgemeng Maskeflicht an de Klassesäll erëm un. De Claude Meisch betount awer, dat kéint sech an de nächste Wochen awer erëm änneren:

"Mir hunn ëmmer gekuckt, datt mer mat der Santé kënnen e Konsens fannen tëscht deem, wat am Intressi vun der Virusbekämpfung ass, an deem, wat am Interessi vun de Kanner an hirer Bildung ass."

Fir esou ee Wee ze fanne misst ee flexibel bleiwen, betount den Educatiounsminister. "Ech gi fest dovunner aus, datt mer dëst Trimester och net esou ophalen, ewéi mir et ufänken."

Dat kéint a béid Richtunge goen: Jee nodeems, wéi d'Pandemie sech entwéckelt, kéinten déi sanitär Mesuren an de Schoulen entweder opgelackert ginn, oder nees méi streng ginn, esou de Claude Meisch.

"Mir wëllen dat net, mee mir sinn awer och prett fir erëm eng Kéier Verschäerfungen ze maachen."

Schoulflicht gëtt verlängert

D'Decisioun fir d'Schoulflicht bis 18 Joer ze verlängere wier keng direkt Suite vun der Corona-Kris. De Claude Meisch betount et géif hie stéieren, datt et am Lëtzebuerger Schoulsystem am Moment keng wierklech Ausbildungsoffer fir verschidde Jonker iwwer 16 Joer gëtt.

Dofir wier et un der Zäit d'Obligation scolaire ëm zwee Joer ze verlängeren, esou den Educatiounsminister. Hien engagéiert sech awer gläichzäiteg nei Ausbildungsweeër fir déi concernéiert Schüler auszeschaffen.

Dat soll an enger Iwwergangsphas geschéien, éier déi gesetzlech Schoulflicht dann definitiv ugehuewe gëtt, preziséiert de Claude Meisch.

An der Mediathéik:

Invité vum Dag / / Rick Mertens
Lauschteren

Méi zum Thema

Claude Meisch
Enseignement

Fir d'Rentrée brauchen d'Schüler am Fondamental an am Secondaire am Unterrecht keng Mask méi undoen. Wann et ee positive Fall an der Klass gëtt sinn Dispositiver virgesinn: d'Schüler mussen d'Mask awer erëm undoen.

Alain Massen
Schoulrentrée

De Alain Massen begréisst, datt d'Maskeflicht an de Schoulen zum Deel soll ewech falen. Dat wier eng Aschränkung am Alldag gewiescht, esou de President vun der nationaler Elterevertriedung.

Schoul
Schoulrentrée

D'Gewerkschafte vun de Lycéesenseignante sinn no hirer Entrevue mam Claude Meisch enttäuscht, datt am Secondaire kee CovidCheck agefouert gëtt. Si begréissen awer, datt d'Maskeflicht opgehuewe soll ginn.

Net verpassen

  • Offre d'emploi: Journaliste-présentateur/trice

    radio 100,7

    L'Établissement de Radiodiffusion Socioculturelle, opérateur de la radio de service public radio 100,7, recherche Un/e Journaliste-présentateur/trice sous contrat à durée indéterminée et à tâche complète (40h/semaine).

Programm

Dossieren

  • Olympesch Spiller 2021

    D'Olympesch Spiller fannen, mat enger Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen