Logement Déi Gréng fuerdere Grondsteierreform nach an dëser Legislatur

D'Regierungspartei "Déi Gréng" gesäit een "ganz dréngenden Handlungsbedarf" wéinst der Logementskris. Dës Kris géif och d'Mëtt vun der Gesellschaft betreffen, an de Problem géif an alle Gesellschaftsschichte méi akut ginn, huet et de Mëttwoch op der Rentrées-Pressekonferenz geheescht. D'Partei-Presidenten Djuna Bernard a Meris-Sehovic hoffen op e Konsens an der Regierung bei der Reform vun der Grondsteier. Wat konkret Déi Gréng sech op dësem Punkt erwaarden, war haut awer nach net gewuer ze ginn.

Serge Kesseler / cz

Djuna Bernard a Meris Sehovic - Déi Gréng
Foto: Déi Gréng

Lauschteren


Nodeem déi jonk Gréng sech Ufank vum Mount zu Wuert gemellt haten, hat d'Djuna Bernard d'lescht Woch eigentlech ugekënnegt, datt dës Woch konkret Fuerderungen a Saachen nei Steiermesuren am Logementsberäich solle presentéiert ginn.

Chiffréiert Fuerderungen huet d'Partei-Spëtzt awer haut keng genannt.

Déi gréng Co-Presidentin huet nëmme gesot, datt si sech erwaart, datt d'Regierung bis 2023 een nächste Schrack beim Kampf géint d'Spekulatioun soll maachen. De Staat misst Verantwortung iwwerhuelen, fir deementspriechend steierlech Mesuren.

"Dofir ass et eis wichteg, dass dës Regierung déi nächst zwee Joer a puncto Steierpolitik esou ausriicht, datt ongenotzt Bauterrainen, Baulücken an eidelstoend Wunnengen an Zukunft méi mobiliséiert kënne ginn."

Reform vun der Grondsteier nach an dëser Legislatur

Fir méi Wunnraum ze mobiliséiere wëllen Déi Gréng donieft d'Grondsteier nach an dëser Legislatur reforméieren, esou eng weider allgemeng Ukënnegung haut. Dat wier eng Urgence, esou de Co-President Meris Sehovic ouni och hei Detailer iwwert d'Virstellunge vu senger Partei ze nennen.

D'Ziel vun enger Grondsteierreform wier méi Gerechtegkeet an och d'Mobiliséierung vun Terrainen. Fir d'éischt missten d'Diskussiounen doriwwer op Koalitiounsniveau an an der Chamber gefouert ginn, esou nach d'Djuna Bernard iwwert dësen "enorm techneschen Dossier" Grondsteierreform.

Méi zum Thema

Djuna Bernard
Logement

Déi gréng Partei begréisst, datt déi jonk gréng d'Regierung opfuerdert, iwwer nei Steiermesuren am Logementsberäich nozedenken. Si géifen hirer Roll gerecht ginn, fir de Fanger op oppe Wonnen ze leeën, esou d'Partei-Co-Presidentin Djuna Bernard.

Antoine Paccoud
Logement

Et feelt zu Lëtzebuerg un der Bereetschaft vu Proprietäre fir hir Terrainen an d'Vente ze ginn a bebauen ze loossen. Et géif deemno och näischt bréngen, de Bauperimeter ze vergréisseren, seet den Antoine Paccoud.

 

Net verpassen

Programm

  • Resonanzen

  • On air

    Am Nomëtteg vun 3 bis 6

  • Panorama

  • Tockcity

  • The Benny Brown Show

Dossieren

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen