Afghanistan Däitschland: Politik beméiht sech em afghanesch Uertskräft

Bis zu 40.000 Leit, déi nach an Afghanistan sinn, kéinte berechtegt sinn, an Däitschland anzereesen. An d'Land well sou vill wéi méiglech vun hinnen eraushuelen, obwuel dat iwwer de Loftwee zënter e Méindeg net méi geet. Däitschland plangt dofir ronn eng hallef Milliard Euro an.

Matthias Kirsch / cz

Heiko Maas
Foto: Emmanuele Contini / NurPhoto

Den däitschen Ausseminister Heiko Maas ass an dëser Deeg e vollzäitbeschäftegte Mann. Usbekistan, Tadschikistan, an aktuell Pakistan - den SPD-Politiker ass op diplomatescher Missioun. D'Zil: Mat den Nopeschlänner vun Afghanistan ze schwätzen. Iwwer d'Fro, ob Däitschland nach afghanesch Uertskräft iwwer de Landwee a Sécherheet kritt. Fir de Nopeschlänner an der aktueller Situatioun ze hëllefen, stellt Däitschland 500 Milliounen Euro an Aussiicht. Als humanitär Hëllef an fir d'Versuergung vu Refugiéeën.

An de leschte Wochen huet Däitschland ronn 5.300 Afghanen iwwer de Flughafe vu Kabul ausgeflunn. Wéi d'Kanzlerin Angela Merkel Ufank der Woch sot, wieren nach tëscht 10.000 a 40.000 Leit berechtegt, an Däitschland opgeholl ze ginn - well se eben an der Vergaangenheet den däitschen Institutiounen an Afghanistan an iergendenger Form gehollef hunn.

Zwar ass nach net kloer, wéi vill vun deene Leit d'Land wëlle verloossen, mee Däitschland fillt sech hinne verflicht, dat huet d'Angela Merkel nach eng Kéier ënnerstrach. Dofir wier ënner Ëmstänn och néideg, mat den Taliban ze schwätzen.

"Es ist jetzt wohl zu unterscheiden von jeder diplomatischen Anerkennung, es geht einfach nur darum überhaupt Diplomaten in der Nähe zu haben, die mit den Taliban reden können. Die Taliban verlagern ihre Präsenz von Doha nach Kabul in diesen Tagen."

Vill Kritik vun der Oppositioun

Däitschland well sech dann och doru bedeelegen, de Flughafe vu Kabul nees zum Lafen ze bréngen. Dat géif allerdéngs, sot d'Kanzlerin, dovun ofhänken, ob d'Taliban Ausreesen wéi ugekënnegt wäerten zouloossen oder net.

Dozou sot den Heiko Maas den Dënschdeg:

"Wir bereiten uns, weil es diese Zusage gibt, zusammen mit anderen daruaf vor, Menschen, sobald der Flughafen wieder operabel ist - und wir hoffen, dass das in einem überschaubaren Zeitraum der Fall ist - für besondere Charterflüge zur Verügung steht und Menschen über den Flughafen ausgeflogen werden."

Déi politesch Oppositioun huet d'Ustrengungen vum däitschen Ausseminister allerdéngs kritiséiert. D'Rees kéim ze spéit, heescht et zum Beispill vun der liberaler FDP. Däitschland wier elo ofhängeg vun den Taliban.

Och d'Bündnis90/Die Grünen kritiséiert, datt d'Feeler vun de leschte Méint net méi kéinte guttgemaach ginn. De fréiere Bundesminister Jürgen Trittin sot, d'Land hätt sech duerch säin Handelen erpressbar maache gelooss.

Méi zum Thema

A400M
Kabul

D'USA hunn hire Réckzuch aus dem Afghanistan ofgeschloss. All US-Zaldoten hätten d'Land verlooss, huet de Pentagon annoncéiert. Domat de Militär-Asaz vun den USA am Afghanistan no 20 Joer eriwwer.

Protest Afghanistan
Um Kierchbierg

Eng 100 Leit hunn de Mëtteg virun der Philharmonie opgeruff, d'Schicksal vun de Leit am Afghanistan net ze ignoréieren. D'Organisatioun Afghan-Luxembourg-Community hat d'Manifestatioun organiséiert.

Missioun Red Kite
Operatioun Red Kite

Mat véier Personal vum Militär a véier Fligeren op der Plaz versicht d'Belsch ronn 600 Persounen aus dem Afghanistan ze evakuéieren. Bis elo konnte 400 Leit aus Kabul ausgeflu ginn.

 

Net verpassen

Programm

  • Resonanzen

  • On air

    Am Nomëtteg vun 3 bis 6

  • Panorama

  • Tockcity

  • The Benny Brown Show

Dossieren

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen