Radio fir Iech D'Rentrée um radio 100,7

De 14. September start de radio 100,7 a seng 27. Saison, mat engem héije Qualitéitsusproch, deen eenzegaarteg zu Lëtzebuerg ass, mat Noriichten, déi an d'Déift ginn a gutt recherchéierten Hannergrondinformatiounen, Ënnerhalung mat engem usprochsvolle Programm, Ärer Musek, awer och Iwwerraschungen.

Rentrée.jpg

Liest de ganze Communiqué hei

Déi detailléiert Programmgrille fannt Dir hei


En neit Talk-Format an eng Emissioun op Englesch

An der neier Emissioun Am Gespréich, vu méindes bis freides géint 12:40, gëtt enger Perséinlechkeet am labbere Gespréich op den Zant gefillt.

Freides vun 18:00-20:00 kuckt d'Emissioun an englescher Sprooch Connecting, wat déi auslännesch engleschsproocheg Communautéiten hei zu Lëtzebuerg beweegt. Eng Emissioun, déi den Usproch huet, d'Leit, déi hei am Land wunnen, méi no zesummenzebréngen.

All Dag Korrespondenzen aus dem Ausland

De grousse Rendez-vous mat der Aktualitéit an deenen, déi se maachen, d'Emissioun Riicht eraus, kënnt zeréck op hir al Plaz um Samschdeg Mëtteg. Vun 12:00 u gëtt eng Stonn mat engem oder méi Acteuren aus der Politik, der Ekonomie, Kultur oder dem Gesellschaftsliewen iwwer de Fong vun de Sujeten diskutéiert.

All Dag am Programm: Europa Aktuell, ee Bléck hanner d'Kulisse vun der EU, géint 7:20 an Aktuelles, de Rendez-vous mat den 100,7-Korrespondenten aus der ganzer Welt um 12:15.

Nei um Sonndeg ass de Panorama schonn um 09:00, an Noriichten vun 08:00 un zu all voller Stonn.

Tockcity an nei Museksemissiounen

Tockcity heescht déi nei Museksemissioun mat de leschte Releasen: de Mike Tock garantéiert vu méindes bis donneschdes vun 18:00-20:00 dee richtege Start an den Owend.

De Soul kritt seng eegen Emissioun: Mat Groove a Séil, samschdes um 19 Auer, mam Rico Querin.

Duerno elektronesch Musek: um 21:00 Dance Beats mam Cleveland senger neier Emissioun Palatino FM, an um 22:00 de Richard Heinemann mat méi experimentellen elektronesche Kläng am E-Lodie.

A wann Al Schanken richteg lassleeën, da rockt et: de Mike Tock an de Fred Medernach loossen et all Freideg um 21:00 rabbelen.

Eng nei Kanneremissioun

HéLéLa heescht de Rendez-vous fir Kanner a Jugendlecher tëschent 8 an 12 Joer samschdes um 13:00: Experimenter, wëssenschaftlech Decouverten, Noriichten, Lauschterstécker a Geschichten ...

E gemittleche Sonndeg mat klassescher Musek, Jazz a Swing

Sonndes ass vun 11:00-14:00 klassesch Musek virgesinn, mat Invitéen, Matschnëtter vu Live-Concerten an och Live-Iwwerdrounge vu Saarbrécken.

Vu 15:00 u geet et weider mat Jazz a Swing: den New Cotton Club transportéiert Iech gemittlech duerch de Sonndeg Nomëtteg.

Net verpassen

  • Nei Museksemissiounen

    Bigstock / real_content

    Al Schanken: Freides, 21:00

    Mat Groove a Séil: Samschdes, 19:00

    Palatino FM: Samschdes, 21:00

Dossieren

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen