Luxeosys D'Oppositioun schléisst eng Enquêtëkommissioun net aus

D'Budgetskontrollkommissioun huet wëlles opzeklären, firwat de Projet vum Äerdobservatiounssatellit Luxeosys fir d'Lëtzebuerger Defense duebel esou deier gëtt wéi geplangt, a firwat de Projet am Summer 2018 mat engem Budget vun 170 Milliounen Euro duerch d'Chamber goung. Dat obwuel d'Offeren, déi d'Defense virdru kritt hat, däitlech méi deier waren, respektiv, d'Exploitatioun vum Satellit net couvréiert hunn, wéi den 100,7 de Méindeg de Moie gemellt hat. Dofir invitéiert Chamberkommissioun fir hir Sitzung no der Päischtvakanz déi responsabel Beamte vun deemools fir Explikatiounen ze ginn. D'Kommissioun huet och wëlles den deemolege Minister Etienne Schneider ze ruffen. D'Oppositioun schléisst eng Enquêtëkommissioun net aus.

Michèle Sinner / cz

Symbolbild Satellit Luxeosys
Foto. Bigstock / cristimatei

De Bäitrag vum Michèle Sinner lauschteren


D'Djuna Bernard vun déi gréng seet, et géifen zwee Voleten. Deen ee wier fir ze kucken, wéi et mam Satellitteprojet weidergeet, dat wier éischter Aufgab vun der Defensekommssioun. Deen anere wier fir ze kucken, wat an der Vergaangenheet geschitt ass. Et misst een erausfannen, firwat virun zwee an engem hallwe Joer nëmme e gewësse Montant gestëmmt gouf, obwuel een unhand vu verschiddenen Elementer schonn hätt kënnen erkennen, datt de Projet schlussendlech vill méi deier géif ginn.

D'Kommissiounpresidentin Diane Adehm vun der CSV seet:

"Wann de Minister Etienne Schneider wierklech wosst, datt dat doten net géing duergoe mat de Suen, da muss hien an der Chamber einfach net d'Wouerecht gesot hunn, an wann hien d'Wouerecht an der Chamber net seet, jo dann ass dat e Skandal, well da belitt hie se einfach fir et mol eng Kéier riicht eraus ze soen."

De fréiere Chamberpresident Mars Di Bartolomeo seet, d'Kommissioun géif hir Aarbecht ganz seriö maachen. Den LSAP-Deputéierte seet, "datt d'Chamber kloer signaliséiert, datt se iwwerhaapt net gär e Projet stëmmt, wou d'Finanzéierung näischt mat der Realitéit ze dinn huet."

De Sven Clement vun de Pirate mengt, d'Invitatioun un de fréiere Verteidegungsminister an d'Kommissioun ze komme wier de verstännegen nächste Schrëtt. "Falls hien awer net kënnt, dann ass d'Commission d'Enquête deen eenzege Wee, wéi d'Chamber kann e Privatbierger zu enger Ausso zu engem Projet beweegen."

"Eng rezent Ausso vum Etienne Schneider zu sengen neie Mandater an der Press léisst mech fäerten, datt hien dat net onbedéngt wëllt virun der Chamber maachen."

Wann de fréiere Wirtschaftsminister net gewëllt ass fräiwëlleg an d'Kommissioun ze goen, da kéint een hien effektiv just iwwer de Wee vun enger Enquêtëkommissioun forcéieren, esou d'Presidentin vun der Budgetskontrollkommissioun, Diane Adehm.

Méi zum Thema

Ee Satelitt
Luxeosys

De Satellitteprojet Luxeosys sollt 170 Milliounen Euro kaschten. De Projet gëtt awer op d'mannst duebel esou deier. Ob de Projet weidergeféiert gëtt, ass fir de François Bausch eng oppe Fro.

Diane Adehm
Luxeosys

D'Presidentin vun der Budgetskontrollkommissioun, d'CSV-Deputéiert Diane Adehm fënnt d'Erkenntnisser aus dem PWC-Rapport iwwer de Projet vum Äerdobservatiounssatellit fir d'Lëtzebuerger Defense ganz grav.

Satellit Exklusiv
Äerdobservatiounssatellit Luxeosys

Beim Projet vum Äerdobservatiounssatellit goufen et Dysfonctionnementer an der Konzeptioun, der Gestioun an dem Finanzement. Dat geet aus engem PWC-Rapport ervir, deen dem radio 100,7 virläit.

Programm

  • Notturno

  • On air

    Notturno

  • Virum Dag

  • Moies-Magazin

  • Iwwer Mëtteg

Net verpassen

Dossieren

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen