Mobilitéit Changementer am ëffentlechen Transport

A manner wéi engem Mount gëtt et eng nei Etapp fir den ëffentlechen Transport: Vum 13. Dezember u fiert den Tram vun der Stäreplaz iwwer véier nei Arrête bis op d'Gare. Doduerch gëtt och den nationale Reseau nei strukturéiert.

Isabel Scott / cbi

Tram
Deemnächst wäert den Tram bis op d'Gare fueren. Foto: Kaori Anne Jolliffe

Am Stater Reseau wäerten et véier grouss Achse ginn, resuméiert de Lex Bentner, Chef vum Stater Busservice: déi eng géif vum Tram assuréiert ginn, déi aner verbënnt d'Gare mat der Uewerstad. Eng weider Achs verbënnt d'Gare Rocade mat der Uewerstad, an et gëtt nach eng Verbindung vum Oste vun der Stad mam Westen.

Manner Bussen duerch d'Stad

Wann den Tram bis vun der Uewerstad op d'Gare fiert, gëtt dës Streck forcement manner vum Bus befuer. Gëschter virun der Press gouf un d'Verspriechen erënnert fir d'Quantitéit vun de Busser am Stadkär progressiv erofzefueren.

Viru Jore waren et nach 120 Busser, déi pro Stonn dës Streck gefuer sinn. Nodeems et Ännerungen um Reseau goufen, waren et der just nach 60 d'Stonn. Elo wéilt een d'Frequenz nach eng Kéier ëm 30 bis 40 Prozent reduzéieren.

Verschidde Buslinne wäerten awer nach weider iwwer d'Avenue de la Gare, de Boulevard Roosevelt an de Boulevard Royal fueren, fir eng Verbindung tëschent dem Garer Quartier an der Uewerstad ze assuréieren.

Ännerungen am RGTR-Reseau

D'Passagéier vum RGTR-Busreseau wäerten am meeschte mussen hir Gewunnechten änneren, erkläert den Alex Kies, héije Beamte am Mobilitéitsministère.

Betraff wiere virun allem Passagéier vun Izeg, Conter, Mutfert, Sandweiler, mee awer och Passagéier vun Iechternach. Bei der Achs aus dem Süden a Richtung Stad géifen owes a weekends Bussen dobäikommen. De Gros vun den Ännerunge wieren awer an der Stad, wou den Terminus geännert hätt.

Qualitéit an Offer verbesseren

D'Zil wier et, trotz de gréissere Changementer d'Qualitéit vun der Offer am ëffentlechen Transport ze verbesseren, seet den zoustännege Stater Schäffe Patrick Goldschmit. Och wann een ee- bis zweemol misst ëmklammen, wéilt een d'Frequenz ganz héich halen.

Et kéint ee sech net erlaben, datt een duerno eng Stonn méi laang géif brauchen. "Au contraire soll ee gesinn, datt ee mam ëffentlechen Transport, kombinéiert mat zu Fouss a mam Vëlo, méi schnell op der Aarbecht ass, wéi mat sengem eegenen Auto."

Enn November ass eng grouss Informatiounscampagne ugeduecht fir d'Leit iwwer all dës Changementer ze informéieren.

An der Mediathéik:

Aktuelles / / Isabel Scott
Lauschteren

Méi zum Thema

François Bausch
Ëffentlechen Transport

De Mobilitéitsministère schafft den Ament un enger Léisung fir engem méigleche Personalmanktem bei den RGTR-Bussen entgéintzewierken an en Ausbau vum Schoultransport ze plangen.

Luxtram
Mobilitéit

Vum Sonndeg, 13. Dezember un kann ee mam Tram bis op d'Gare fueren. De geneeën Datum hu Luxtram, de Mobilitéitsminister François Bausch an d'Stater Buergermeeschterin Lydie Polfer den Donneschdeg de Moien viru der Press presentéiert.

Tram-Chantier op der Stater Gare
Déconfinement

No enger laanger forcéierter Paus huet och de Chantier fir d'Verlängerung vun der Tram-Streck bis op d'Stater Gare gëschter erëm ugefaangen. Genee e Mount, nodeem all d'Chantieren am Land wéinst der Corona-Pandemie zougemaach gi waren.

Den Alex Kies, de François Bausch an de Yan Steil
Ëffentlechen Transport

Den nationale RGTR-Busreseau gëtt vu Mee un a bis Enn 2021 reorganiséiert. 81 Gemengen a 534 individuell Bierger hunn hiren Avis zu deem Projet agereecht, deen den Transportministère ausgeschafft hat.

Programm

Net verpassen

  • Am Gespréich: Marc Angel a Samuel Hamen

    Marc Angel, Samuel Hamen

    Zwou Generatioune vu Kënschtler hu sech zesummegedoen, fir eng originell hybrid Form ze schafen.

    Mir ënnerhalen eis mam Zeechner a Schrëftsteller an der Woch vum 23.11. méindes bis freides um 12:40 a sonndes um 10:10

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen