Ännerungen um Covid-Gesetz Regierungsrot decidéiert e Mëttwoch iwwer Ännerungen un Isolement a Quarantän

D'Regierung kënnt muer zesumme fir ze decidéieren, ob d'Durée vum Isolement a vun der Quarantän kéinte geännert ginn. Dat sot d'Paulette Lenert de Moien an der Sitzung vun der Chamber-Gesondheetskommissioun, schreift d'Chamber op hirem Internetsite. Wann e Changement géif decidéiert ginn, da géif d'Regierung virun e Freideg een deementspriechenden Amendement proposéieren, zum Gesetzprojet fir d'Upassung respektiv d'Verlängerung bis d'Enn vum Joer vun de Mesurë wéinst der Corona-Pandemie.

Serge Kesseler / cz

Covid-Gesetzer

De Bäitrag vum Serge Kesseler lauschteren


D'Gesetz fir d'Upassung respektiv d'Verlängerung vun de Mesurë wéinst der Corona-Pandemie bis Enn vum Joer soll haut an enger Woch an der Chamber gestëmmt ginn. Dat war no der Sitzung vun der Gesondheetskommissioun haut Dënschdeg gewuer ze ginn. Eng geplangten Ännerung ass jo déi, datt d'Fluchgesellschaften obligéiert ginn, d'Passagéierlëschten direkt un d'Santé ze schécken. D'Direktioun vun der Santé soll dës Donnéeë 14 Deeg no der Collecte anonymiséieren, esou de Virschlag haut vun den Deputéierten.

Dem Rapporter vum Gesetz-Projet, dem Mars Di Bartolomeo no soll d'Regierung muer Mëttwoch zesummekomme fir de leschte Stand vun der Corona-Situatioun ze analyséieren. Dee Moment kéint d'Regierung weider Propose maache "wann déi wëssenschaftlech Fakten dat erlaben", esou de Mars Di Bartolomeo. "Dat géif awer nach en Amendement bedéngen, deen da muer un de Conseil d'Etat géif weidergoen", esou den LSAP-Deputéierten.

Claude Wiseler kritiséiert Zäitdrock

Well de Projet fir d'Upassung respektiv d'Verlängerung vun de Covid-19-Moosname virum 24. September muss gestëmmt ginn, géif doduerch op een neits Zäitdrock entstoen, esou den CSV-Deputéierte Claude Wiseler. Et wier ni gutt, wann d'Parlament ënner héijem Zäitdrock misst schaffen, well sech esou eventuell Feeler an d'Texter aschläichen kéinten, wéi et an der Vergaangenheet scho mol geschitt wier, esou den CSV-Deputéierten. Trotzdeem huet de Claude Wiseler Verständnis dofir, datt een am aktuelle Kontext, an deem all Dag nei Erkenntnisser géifen optauchen, séier misst handelen.

Gesetz soll d'nächst Woch gestëmmt ginn

An der Sitzung vun haut Dënschdeg huet d'Chamberkommissioun den Iwwerleeunge vum Staatsrot Rechnung gedroen, wat Prezisioune beim Dateschutz ugeet. Den deementspriechenden Amendement geet elo zeréck un de Conseil d'Etat. Den zweeten Zousaz-Avis soll dann dëse Freideg vun der Chamberkommissioun ënner d'Lupp geholl ginn an de Rapport zum Projet soll ugeholl ginn, fir datt d'Gesetz haut an enger Woch ka gestëmmt ginn.

Méi zum Thema

Eng Mask op engem Piano
Corona-Kris

De 25. Juli soll dat neit Covid-Gesetz a Kraaft trieden. Am Gesetz ass keng Masken- oder Distanzflicht fir Museker virgesinn, just nach fir de Public. Wat bedeit dat fir d'Museker?

Covid-Gesetzer
Corona-Kris

Bis de 24. Juli soll dat neit Covid-Gesetz fäerdeg sinn. An deem Gesetz sollen Aschränkunge fir Besuch am private Kader festgeluecht ginn. D'Oppositioun fënnt, datt den Text deelweis nach onprezis wier.

Frank Wies Meenung
Covid-19-Gesetzer

Well haut den État de Crise ausleeft, hu séier misse Gesetzer gestëmmt gi fir déi provisoresch Pandemie-Mesuren ze verlängeren. Dat huet hirer Qualitéit net gutt gedoen, fënnt den Affekot Fränk Wies.

Illustratiun Rechter Coronavirus COVID-10
Gesellschaft

Och nodeems den Etat de crise spéitstens de 24. Juni ausleeft, sollen eng Réi vun de sanitäre Mesurë bestoe bléiwen. Dat fir wéinstens ee weidere Mount. Esou gesinn et zwee Gesetzesprojete vir.

Engel vs Engel.jpg Riicht Eraus
Engel vs Engel

D'CSV hat de Freideg eigentlech deklaréiert, si wier géint de Prinzip vun esou engem Gesetz. Domat hätt seng Partei just wëllen ausdrécken, datt si mat där proposéierter Versioun net averstanen ass, sou den CSV-President Fränk Engel.

Programm

Net verpassen

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen